Kruising
inleiding:
jy’t lankal weggegaan
ek het vergeet hoe jy lyk
wat oorbly is die fotos
maar die beeld het reeds verbleik
vers een:
en ek kan voel
hoe my gedagtes jou laat
wegraak
en ek kan voel
hoe my geheue jou laat
verdwyn
refrein:
maar as EK slaap
dan kom maak jy draaie in MY kop
en as JY droom
dan kruis ons paaie in JOU kop
vers twee:
dan voel ook jy
hoe jou gedagtes my laat
wegraak
dan voel ook jy
hoe jou geheue my laat
verdwyn
refrein:
dan ontwaak ons
en besef
daar was tog eens
’n kruising voor die stop.
 |
 |
 |