Ons ry eendag, ek dink op pad iewers heen en ek sien, links voor langs die pad, 'n geboutjie op pale. Ek sê vir my vrou, "Daai geboutjie op pale. Ek wonder wat se geboutjie is dit?"
Soos ons verbyry kyk sy by die venster uit en ek sien sy praat maar met die nou dat haar kop weggedraai is en die wiele suis kon ek nie hoor wat sy sê nie. Toe ons verby is en sy weer vorentoe kyk vra ek haar wat sy gesê het.
"Daai geboutjie op pale," sê sy.
"Ja, "sê ek, "wat van hom?"
"Ek wonder wat se geboutjie is dit?" sê sy.
Jan Rap
Kommentaar
Dag Jan,
nou wonder ek so saggies en teer. Daar waar jy sê "ek dink op pad iewers heen" Ek vra toe myself, Myself, as hy nie op pad is iewers heen nie, hoe werk sy ryery dan?
Veilige reis vir jou
Duitswester
Mooi man! Dit is nou wat ek noem "fyn humor"
Lyk vir my soos 'n uitkyktoring waar iemand uitkyk vir veldbrande.
Oukei, ek gee op. Watse geboutjie is dit?
Duitswester
Partykeer ry ons sommer net omdat ry ry is – gewoonlik sien ek waarheen as ons daar aankom.
Trienie
Dis maar soos julle vrouens se koppe werk.
Frans
Nee, heeltemal te laag daarvoor en daar was ook nie bos in die omgewing nie.
Charl
Die moer weet.
Geseënde Kersfees vir julle almal.
Volgens die rekordboeke is dit die longdrop met die langste drop.
As ’n Suid-Afrikaner wat grootgeword het in Kaapstad weet ek dat Afrika iewerste in die Noorde bestaan dalk met geboutjies op toringe maar wie gee ’n duit om..
Miskien, net miskien ’n dubbel verdieping toilet met n staandak !