Foto: Canva
In die mandjies van ons oë
vir Sandra
ons oë is die mandjies
wat ons teerheid versamel
en ons vingers soek in mekaar se verbleikte palms
na daardie verspilde jare
toe eensaamheid ons lewens verkul het;
en tog, vervloë liefdes was maar net nat wange
ek het vir jou ge(f-)luister:
laat die wêreld om ons ver(s-)kil,
maar maak ons tweevoudig
-eenvoudig
in die mandjies van ons oë