Foto: Canva
Horlosmint
rôisterklip en duwweltjies
voetbrand innie sand
om die hoefyster
kraaines, waterval
bloukrans en die grot
oor die poort
duikerspore om die platkop
bitterboelas in die laan’e
soggens in doverrook
plaasbotter, hardekaas, flou koffie
die seloentjie in die hoek
smiddags in die bakoond
naaldekokers oor die klipdam
hondjieswem deur paddaslik
saans in lanternlig
droë snoek, souskluitjies
pampoen en konfyt
slaaptyd dreig doektoon
’n donker longdrop
vol geitjieskyt en knopies
rôisterklip en duwweltjies
voetbrand innie sand