haikoe 1
uit die vol beker
van die maan drink ek water
silwer soos die stroom
haikoe 2
ek kan klanke hoor
van die water rondom die
lelies van Monet
haikoe 3
een padda wat ek
tevergeefs probeer om aan
Basho voor te stel
haikoe 4
die pad anderkant
Bitterfontein loop tot by
my woestynplekkies
haikoe 5
skoenlappers fladder
tussen geplukte blomme
waar grafstene staan
haikoe 6
droë weerligstraal
die verrimpelde vel van
’n rivierbedding
haikoe 7
buite die voordeur
sit die geduldige kat
en die môrester
haikoe 8
ek pluk grashalms
hoop om die wind een keer in
my hand vas te hou
haikoe 9
van boom tot houtskool
die houtvuurtjie se hitte
die koue aarde
haikoe 10
ek maak toe die laai
vol ou groetekaartjies oop
donkerte glip uit
Kommentaar
Liewe Charl, dit is ongelooflike mooi haikoes. Jy het ’n wonderlike talent. Ons 1980-POËSIEKRING lede is baie trots op jou!