aan die kanferfoelie
by die hekkie bengelend
’n suikerbekkie
vertrek
vanoggend die swaeltjies
ry op ry styf ingerygde
opgepofte kraaltjies
ICU
in die klein ligkol:
hoe trane, bloeding en tyd
bleek tot stilstand stol
alleenreis: klm 319
mensdom op schiphol
een dreun van komen en gaan
jou plek ’n hol kol
gasvryheid
oop-arms staan my huis
vir geitjie sprinkaan spinnekop
kriek en mier en muis
stof tot stof
vier vlindervlerkies
gehawend broos dor soos gras
dwarrel teen my vas
heimwee
namakwasand se loop
bossies klippies stokkies sade
ver-kyk se ooptes
