haikoe vir die snuifspan
getroue Nigeriër
is toe nie so immergroen
kokaïen ruik na Zambuk
haikoe vir die aktrise
jou blomtyd oorskadu
plastiekrose is rooier op film
terug op die talentrak
haikoe vir die sportman
astroturf is immergroen
dog smaak verskil sekondgewys
glorie was ’n troosprys
haikoe vir die nuwe politici
die wit man se maan
klaar geskep en reeds weer vol
het dit alles al gesien
haikoe vir die rockster
gille skiet soos laatsaad
stywe jeans beloof belaaide beloftes
dit was al wat jy had
Kommentaar
Jy mag maar... Vir ’n grapgat kan jy besonders diep raak. Nie so diep soos Theuns Jordaan nie... Maar dan.