ISSN 1995-5928Ingesluit LitNet Akademies
Tuis > SêNet-briewe

God se Alomteenwoordige Gees

CorneliusHenn 2012-02-17
  • 2
Shares0Pin0Print0LinkedIn0

Sabbat Sjalom

 
Dis God se Alomteenwoordige Gees wat die krag in elkeen se menswees is. 
 
Selfs al lyk die mensdom soos 'n swerm sprinkane op trek iewers deur die Karoo, het 'n ieder hul eie asem van God ontvang.
 
Hierin leef elkeen die geskenk van hul eie werklikheid uit die hand van God, in God.
 
Wanneer ons tot sterwe kom "blaas ons die laaste asem uit". Dis daardie asem van 'n ieder en elk wat weer opgeneem word in God.
 
Soos daar geskrywe staan; "God het die mens geformeer uit die stof van die aarde en in sy neus die asem van die lewe geblaas. So het dan die mens 'n lewende siel geword" (Genesis 2:7). Indien God "Sy Gees en Sy asem na Hom sou terugtrek, dan sou alle vlees tesame die asem uitblaas en die mens sou tot stof terugkeer." (Job 34:14-16). Met die dood sal "die stof na die aarde terugkeer soos dit gewees het, en die gees na God terugkeer wat dit gegee het" (Prediker 12:7).
 
Dis hoegenaamd nie moontlik vir enige dweepsieke in hul veronderstelde demoniese besetting om te kan "weet" wat ander se wesenlike bedoeling in hul verhouding met God is nie. 
 
Net God ken ons harte. 
 
Dit gaan nie oor ons bewustheid van God nie; dis ons ingebore band (asem) met ons Skepper en ons verlange daarom na God wat soveel verheerliking van God oral op ons aarde meebring. 
 
Elke mens op aarde se hartstog in Heilige Skrifte, lees van lewensverhale van Heiliges, studie van godsdienstige doktrine en deelsaamheid in geestelike vertolking, bring hul nader aan ons Alomteenwoordige Almagtige Lewende Skepper.
 
Dis met absolute agting vir die Heiligheid in elkeen se hart wat ek nederig oral saam met my medemens aanbid. 
 
Waar God se genade dit wil; ek soos Paulus, die Goeie Nuus by hul Godsdiens voeg.
 
Mag Jesus Christus ons Almagtige Lewende Skepper, self die lewenskrag in elkeen se hart op aarde wees.
 
Namaste!
 
Hindoe-, Moslem-, Joodse, katolieke en Boeddhistiese liefde,
 
Ekke
 
 

Shares0Pin0Print0LinkedIn0
  • 2

Kommentaar

  • Chris Dippenaar

    Hello Cornelius, waar was jy?

    Never mind jou Smartie-box geloof, dis lekker om 'n vriendelike Christen te ken. As die Christengeloof gaan oorleef, gaan dit iets wees soos dit wat jy besig is om saam te flans, en dis bedoel as kompliment!

    Los die slegsê van Kobus vir my as jy wil. Vir een of ander rede dink ek dat dit nie regtig jou styl is om mense aan te val nie, of dan ten minste nie op die vlak waar Kobus beweeg nie. Laas op die Net kon ek jou ontsteltenis duidelik sien. Ek is 'n goddelose ateïs met 'n baie dik vel wat hou van skoorsoek met boelies.

    Mooibly

    Chris

    Reply
  • CorneliusHenn

    Dankie Chris.

     
    Ja, ek's ver heen ...
     
    Soms land ek op plekke waar Apple nog appels is en waar 'n Black Berry gewoon 'n framboos is - of so iets is. Maar ek is nie bang nie. Ek klim maklik hoog op in 'n boom en kyk wat op die werf aan die gang is.
     
    Jy kan regtig bly wees die ou grote Kobus de Klerk lees nie hier nie. Hy sou jou summier daarop "uitwys" dat ek lank reeds deur hom, en al sy paranimfe in hul kammahof onwaardig aan die titel Christen verklaar is. Natuurlik het ek vrede met hul smart.
     
    Chris, ons is almal op ons weg iewers teen die Berg op; elkeen van ons is by 'n verskillende mylpaal. Dit blyk egter dat Kobus de Klerk oral in die pad probeer wees. 
     
    Nie dat dit regtig saak maak nie. Alles wat asem het; jy, ek, die mossies, hondjies, katjies, amoeba in jou toilet, ... tot Kobus de Klerk dra God se Gees in hulle. Die mens is egter die enigste in die Skepping wat 'n keuse het om met hul wonderlike gawe van lewe, God te kan dien. 
     
    Welke ook jou keuse, jou asem sal weer terugkeer na ons Almagtige Lewende Skepper; nes die hoender wat die hele week so op sy mishoop lawaai het en Sondag op jou bord land.
     
    Dit laat 'n mens wonder waar 'n Kobus de Klerk en sy ge-aliede groepie aan hul waan kom om 'n Hindoe, Moslem, Jood, Boeddhis of enige anders gelowige wat dit in hul hart kies om met alles na hul wete God te dien, te verdoem. Het 'n hart in keuse in God dan nie meer genade as die Engele en die koring in jou bier ontvang nie? Hoekom farisese dogma en skrifgeleerdheid tussen 'n opregte kind van God en sy Skepper probeer dwing? Is sulke wis nie nog altyd Satan en sy telge se strategie nie?
     
    Chris, die eerste los klip op elke mens se pad (met of sonder verstand), is ateïsme. Sommige se roete na Bo is 'n omoeramba vol spoelklippe. Twyfel is elke eerlike hart se trap na sekerheid; geloofsintellektualiteit die oneerlike uitweg. "Spirituele intelligensie" is vir diegene soos KdK in hul vrees om met bravade te kan voorgee dat hulle reeds Bo was. Dis egter nie waar nie. Diegene wat regtig die steiltes in God se genade klim getuig van eelte, bloedblase en valwonde. 
     
    Daardie steiltes wat jou nader aan ons Almagtige Lewende Skepper bring is jou studie in Heilige Skrifte, die lewensverhale van Heiliges, godsdienstige doktrine en geestelike vertolking (mites ingesluit) - maak nie saak hoe jy op die klippe trap en kranse afgly nie. 
     
    Chris, in my asem is ek een met jou voor ons Skepper. My keuse maak my jou dienaar. Daarom my agting vir Pieter Redelinghuys, Oom Daan, Perdebytjie, Angus, ... en soveel ander wat my eintlik nog nooit van hul ateïsme kon oortuig nie; nes my helde Bruce Lee, Carl Sagan, Charles Darwin, Albert Einstein, David Greene, Steven Hawking ... wie se beskouinge in werklikheid of agnost, of panteïsties is. 
     
    Ek buig voor die lewe in jou.
     
    Hindoe-, Moslem-, Joodse, katolieke en Boeddhistiese liefde,
     
    Ekke
     
     
    Reply

    • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top