Formule van ’n siel

  • 6

Foto: Canva.com

Formule van ’n siel

soos skadumense in ’n vertrek 
somber sonder daeraad 
met leë frekwente gedagtes 
en primitiewe uitdrukkings, 
wat geheg aan lewe 
die kenmerke van wesenlikheid formaliseer

skil af die vlees 
breek al wat been 
blinkende oog is – 
“wie is ek?” 
uiterlike verpakking in ’n vertoning van mens 
of die doen wat alle bewegings meganiseer, 
’n polsende deeltjie van ’n atoom 
gedurig in ’n oorlog met homself 
in binneruimtes van gees 
maar tog ... 
is ek kleur 
’n deur binne die droom, 
en in spatsels beton, 
in die geruis van sterre 
gevleg in die suis van stilte,

iets sentesimaal 
in ’n ewige onverstaanbaarheid

  • 6

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top