Evolusie
Vers 1
Oerknal ontplof.
Uit dit verskiet
minute, mense
en sterrestof.
Vers 2
Atome vorm molekules,
groen begin te fotosinteer,
wiskunde bou en breek,
DNA-kodes begin muteer.
Brug
Selle vorm weefsel,
weefsel vorm spiere,
geraamte ondersteun
en senuwees voel.
Refrein
Hart begin te klop, te lieg,
cholesterol deur jou are.
Sigaretrook spoel deur jou longe,
diabetes dreig en kanker vorm.
My beroertebrein
ooranaliseer,
oordink, oorskat,
oordramatiseer.
My beroertebrein
sielkundig versteurd,
primitief geskep,
deur stres beheer.
Vers 3
Grotman in sy kantoor
veg vir sinergie en verkope.
Hy belê en balanseer
verslawings, mense en verkeer.
Vers 4
Supermens – optimaal herskep:
hy veroordeel, verneuk en verdedig.
Lewensfilosifie verander:
verbeter, verower, vernietig.
 |
 |
 |