indringers, inkommers, oud-koloniaalgesindes,
neo-imperialiste, gronddiewe, koperdraadruilers,
matrose, huursoldate, VOC-Vrijburgers, Voortrekkers,
lieg-en-bedrieg-deskundiges, super-Self-verlogenaars,
“Duiwelspiek”-dissipels, onkunde-ontkenningskundiges,
askari’s, paparazzi, oorlogslustiges, mugu’s, mamparas,
sjatanvereerders, hoe kan Mens “Hotnots”-, “Boesman”-
land, net só los, jeugdiges so ultra-onopgevoed opfoeter,
pejorativering tot iets legitiems probeer legitimiseer?
wat op Aarde besiel Mens, eisj, Eerste Mens,
medeburger, aborigeen, inboorling, indigeen,
oorspronklike, hiervandaan, nie van elders,
as “vreemde” te klas, asof “ras”-merker, tipe,
“soort” Mens, vir enige Mens deurslaggewend,
innie groter geheel, kultureel, sosio-ekonomies,
binne versoenings-, nasiebou-verband, patrioties,
ooit bevorderlik, eties, progressief, vanpas, was
is dit hoe Homo Sapiens Sapiens, respektiewelik,
respek vir Eie, Self, vir mede-Mens, Naaste, bewys,
Self so onmenslikend, últra-degraderend, te lys?
Jacobus Faasen