Litnet

Ou Dirk, ek het nog nooit ‘hoog opgegee’ op my eie logika soos jy beweer nie.  As ek iets sê waarvan die logika nie betwis kan word nie is dit maar net omdat ek die status quo beskryf.  Byvoorbeeld:  ‘Die kamtige demokrasie werk toe nie; die land is in ’n gemors, reeds tot byna rommelstatus gereduseer.’  Jy sien?  Dis nie so moeilik nie; jy kan dit ook doen, jy moet net ophou om in ontkenning te leef.

Jy sê jy sien ek verwar christenwees met witwees.  Natuurlik onsin; geen mens op hierdie aarde dink dat net alleenlik witmense christene is nie so hoekom sou ék?  My tuinboukundige assistent, byvoorbeeld, is ‘n toegwyde ZCC en hy’s nie wit nie.  Trouens, die hele Afrika is vol nie-wit christene, sommige lande selfs die meerderheid soos Ethiopië.  En ook nie alle wittes is christene nie.  So, jy lê woorde in my mond en daarop bou jy dan ’n betoog wat dan noodwendig snert moet wees.

Terloops, ek sien jy weerlê niks van die agteruitgang wat plaasgevind het, en nog besig is om plaas te vind, sedert die land nie meer, wat jy ’n wit land noem, is nie.  Jy weet dus dinge gaan agteruit maar mens mag net niks sê wat jóú laat dink die huidige bestel is verantwoordelik nie.

Jy sê ‘tweedens was hierdie land nog nooit ’n land met net witmense nie’ so al asof ek so iets sou beweer.  Weer eens is dit ’n voortbou op jou gefabriseerde vertrekpunt; iets wat jy maklik kan afskiet want wie sal nou ooit kan beweer dat hierdie land net witmense gehad het.  Jy kon net sowel gesê het ‘karre het nie vierkantige wiele nie’; dis ewe onsinnig.

Jy sê ‘derdens stel jy christenwees gelyk aan sendelinge en Jehova-getuies’.  Ek het so iets nooit gesê nie.  Nog steeds jou vals premis want jy sal weet, dat ek weet, ál die christendenominasies  sendelinge het so waar sou ek hulle nou uitsluit soos jy beweer?  Ek het maar Jehova-getuies spesifiek genoem omdat hulle so toegewyd is; kom klop aan mense se deure en so aan.  Net so toegewyd soos julle.

‘Vierdens’, reken jy, is daar nie ’n kerk vir ateïste nie dus so ’n missie soos wat ek beweer word nie verkondig nie.  Wel, dis nie nodig nie; hulle missie is bloot om gelowiges, alle gelowe, te bespot.  As hulle net bloot kopskuddend en skouerophalend gelowiges gadegeslaan het sou ek nie kon praat van hulle ‘missie’ nie.  Maar dis nie wat hulle doen nie, hulle doen hulle meerderwaardig voor en kraak ander wat nie hulle absurde gevolgtrekkings deel nie spottenderwys af.

Jou laaste paragraaf is ’n toonbeeld van a-logika en/of ’n baie gebrekkige kennis van Engels. ‘You fucked up big time’ beteken ‘julle het erg drooggemaak’.  Hoe jy ‘julle moet loop naai’ daarin lees weet nugter.  En hoekom, gegee die trant van die brief, sal ek julle nou iets aangenaams toewens?

Verder, hoe werk jy nou uit ’n belediging in Afrikaans getuig van meer ‘balls’ as ‘n belediging in Engels?  Ek het gesê ‘... sodat jy en jou maatjies (maw suurgat rooiappeltjies)’ kan verstaan, vandaar die Engels.  Maar dit was ’n fout, ek erken; benewens die feit dat jy nie mooi verstaan het nie was dit weer ‘n strooihalmpie vir jou waarna jy natuurlik naarstiglik gegryp het.  So laat ek maar in Afrikaans herhaal:  Jy en jou maatjies het opgefok, julle het ’n gedrog geskep.

Laastens, ek het nog nooit, soos jy beweer, oor RSG en KykNet gekla nie maar bloot die feit konstateer dat hulle Afrikaans ondermyn.  As die weerman sê ’n kwaai storm het bome en telefoonpale omgewaai in Rigtersburg kla hy nie, hy gee maar bloot sy verslag.  ‘n Kla-gat is iemand wat elke keer ‘n vloermoer gooi as iemand verslag oor die agteruitgang van die land doen.

Jan Rap