Litnet

Sedert ek die reeks artikels met aanhalings teen die aansprake van darwinisme geplaas het, het dit hier ook duidelik geword dat die tradisionele darwinisme bykans in onbruik verval het en ook as wetenskaplike model, geen bestaansreg meer het, nie – vir twee redes:

1. 1. Dit is duidelik dat darwiniste moed opgegee het om te probeer bewys hoe lewe ontstaan het.

In die artikels waarin ek deskundiges aangehaal het, blyk dit duidelik dat die fondament, die bakermat daardie magiese protosoön of repliseerder, waarop die ganse darwinisme gebou is, se hipotetiese magiese ontstaan, in wetenskaplike terme, hoegenaamd nie haalbaar is nie – dit sal nóóit by fabelagtige hipotese status verby vorder, nie.

Daaroor sou Darwin natuurlik bitterlik ongelukkig wees, want selfs hý het anderhalf eeu gelede al besef dat, as jy die ontwikkeling van lewe op aarde wil verklaar, moet jy begin by die begin… want die begin is noodwendig bepalend vir wat daarop volg. Hierdie is ’n báie belangrike beginsel. In ’n onlangse kommentaar het Angus selfs beweer dat Darwin, as hy vandag moes herleef, sy eie leerstuk nie sou herken nie. Só is die darwinisme al van binne af geplunder en verrinneweer, dat ’n entoesias, hoewel ’n leek, sulke afleidings kan maak van die pad wat darwinisme die afgelope anderhalf eeu gekom, het.

Die darwinisme is juis in sy fondament geplunder en tot ’n val gebring – daardie Begin – die begin van waarop alles verder gebou is, want die begin verskaf die masjinerie waarmee die res noodwendig sou volg. Vir darwinisme ís daar geen begin meer, nie.

Want, sien, dié magiese protosoön of mitologiese repliseerder het sy mitologiese, fabelagtige kunsmatige ontstaan uit die verbeelding en anti-religieuse obsessie van ’n man, Darwin, wat dit geskep het, soos afvalliges vir hulle ’n afgod skep wat deur hulle self aan die lewe gehou moet word, genaamd abiogenese (lewe uit leweloosheid – magies!) En net soos dit kunsmatig ontstaan het, na bewering uit ’n toevallige, intelligensielose abiogenetiese proses en dít moes dien as die bakermat van waaruit alles ander lewe tot soos ons dit vandag ken, óók toevallig moes ontstaan, is dit deur die verloop van anderhalf eeu geplunder en vernietig en selfs die nagedagtenis daarvan word as ’n verleentheid ontken – want darwinisme, word gesê, hou hom nie (meer) besig met die ontstaan van lewe nie, maar met die studie van lewe op aarde.

Darwinisme het dus gesterf saam met sy fondament – sy kamstige “lewegewende” protosoön of repliseerder. Derhalwe is die fondament van darwinistiese tipe evolusieleer eenvoudig nie- bestaande.

2. Nou word die darwinisme nog verder geplunder. In aansluiting by die “toevallige” begin van “toevallige” lewe, moes alles vanuit die enkele eenvoudigste lewende selletjie fabelagtig deur toevallige intelligensielose ewekansige seleksie (en later mutasie daarby) met stelselmatige kontinuïteit met horte en stote deur fabelagtige miljoene jare heen, ontwikkel soos ’n boom wat uitspruit en dan ontwikkel met takke en takkies en spruite en blare, waarvan elk ’n nuwe spesie sou voorstel in die duiselingwekkende variëteit soos ons dit vandag ken. Die ontwerper van dié fabel, Darwin, het voorspel en gehoop dat die fossiele wat uitgegrawe word, sy fabel sou omskep in wetenskap.

Maar dit gebeur toe nié. Die miljoene fossiele (fossielrekord) wat vir die afgelope twee eeue en langer feitlik onverpoosd wêreldwyd naarstig uitgegrawe word, wys vir ons glad nie hierdie stamboom nie. Dit wys net vir ons talle enkel takkies met sy blare vooraan – dit wil sê, baie intra-spesifieke ontwikkeling maar geen trans-spesifieke aktiwiteit nie. Geen stam, geen hooftakke, geen sekondêre vertakkings, nie, net eindpunte wat kom en gaan. En sommige daarvan leef vandag nog in oorvloed en welig.

“The extreme rarity of transitional forms in the fossil record persists as the trade secret of paleontology … to preserve our favored account of evolution by natural selection we view our data as so bad that we never see the very process we profess to study … The absence of fossil evidence for intermediary stages between major transitions in organic design, indeed our inability, even in our imagination, to construct functional intermediates in many cases, has been a persistent and nagging problem for gradualistic accounts of evolution.” – ’n Werklike evolusie ghoeroe, Stephen Jay Gould, Evolution’s erratic pace. Natural History 86(5):14, 1977 en Is a new and general theory of evolution emerging? Paleobiology 6:119–130 (p.127), 1980, onderskeidelik.

Nou word allerlei nuwe fabels gebou en geskep deur mense soos Gould (wyle), Eldredge ens. om dié werklikhede met nuwe hipotetiese fabelagtigheid aan die evolusie kadawer te verbind, soos byvoorbeeld “punctuated equilibrium”. Ander weer, met fantasieë deur beenfragmente en stukkies skelet te neem en sommer dan en hele dier vir hulle te “konstrueer” volgens hulle behoeftes en dan dit uit te gee vir rekord! ’n Voorbeeld hiervan is die landdier Ambulocetus wat sommer as kamstige ’oorgangswalvis’ ombou, is.

Die darwinisme, die hele evolusie leerstuk wat dit voorstaan, selfs (verál) die hedendaagse geplunderde formaat, is daarmee heen. Want dit was nog nooit bedoel om ernstige wetenskap te wees nie… Dit is omdat só ’n stamboom nooit bestaan het, of sál bestaan, nie. God het dit eenvoudig nié só gemaak nie en daarom sal dit nié gevind word, nie.

Hier is die spyker in die darwinistiese evolusie kadawer se doodskis:

“Evolution is promoted by its practitioners as more than mere science. Evolution is promulgated as an ideology, a secular religion—a full-fledged alternative to Christianity, with meaning and morality. … Evolution is a religion. This was true of evolution in the beginning, and it is true of evolution still today.… Evolution therefore came into being as a kind of secular ideology, an explicit substitute for Christianity” –

Michael Ruse, evolusie ghoeroe, professor van filosofie and soölogie, Universiteit van Guelph, Canada (National Post, May 13, 2000, pp. B1,B3,B7) – bykans ’n halwe dekade na die eerste keer dat hy hierdie opspraakwekkende situasie bekend gemaak het – waarteen die arme aanhangers soos besetenes skop en skel...

Groete,
Kobus de Klerk