Die stene in die kerkhof
O, ek sing van die stene in die ou kerkhof
daar wes van Danielskuil
Party is wit en ander vol stof
maar die wenner sal jou laat huil
REFREIN:
Waar jy ook mag swerf
oor land of see of werf
Moet nooit probeer om jou poep in te hou nie
want daarom het ek gesterf
O, ek sing van die klipkuil wat die nood vertel
van boontjieboer Klaas Nel
Sy ganse oes het hy opgeëet
soos 'n bok het hy opgeswel
REFREIN
O, ek sing van die nederige boer Klaas Nel
skaam om 'n wind te laat
Dis net sy steen wat nog als vertel
wat nog op sy graf kan praat
REFREIN
Teken in op LitNet se gratis weeklikse nuusbrief. | Sign up for LitNet's free weekly newsletter.
Kommentaar
Klipkuil moet lees "klipsuil", asseblief – die suil van klip, dus die grafsteen.