Die Openbaring 6: Die seëls

  • 0

6 Ek het gekyk soesie Lam die eeste vannie siewe seëls oepgebriek het. Toe hoo ek hoe sê een vannie vie liewendige gediertes in ʼn stem wat geklink het soes donnerwee, “Djy moet kô kyk!” 2 Ek het gekyk en daa voo my was ʼn wit pêd. Die pesoon wat oppie pêd gesit het het ʼn boeg in sy hand gehad, en hulle het vi hom ʼn kroon gegie, en hy’t daa weggery soes iemand wat gekommit het om te oowin.

3 Toe die Lam die twiede seël oepgemaakit, het ek gehoo hoe sê die twiede liewendige gedierte, “Djy moet kô kyk!” 4 Toe het daa nog ʼn pêd daa an kô ry; die pêd was bloedrooi. Die pesoon wat oppie pêd gesit het, was gesê ommie vriede vannie aarde af te niem, en om te maak lat mense mekaa kan doodmaak. An hom was ʼn groot swaard gegie.

5 Toe die Lam die dêre seël oepgemaakit, hettie dêre liewendige gedierte gesê, “Djy moet kô kyk!” Ek het gekyk en daa voo my het ʼn swat pêd gestaan. Die pesoon oppie pêd het ʼn wiegskaal in sy hand gehad. 6 Dis toe ek ʼn stem hoo opkom tussenie vie liewendige gediertes, en dit het gesê, “ʼn Skeppie koring vir ʼn dag se loon, en drie skeppies gars vir ʼn dag se loon, maa wies vesigtig mettie olyfolie ennie wyn.”

7 Toe die Lam die viede seël oepgemaakit, het ek gehoo hoe sê die viede liewendige gedierte, “Djy moet kô kyk!” 8 Ek het gat kyk en daa voo my het ʼn vaal pêd gestaan. Die pesoon oppie pêd se naam was Dood, en hel het op sy hakke gevolg. An hom wassie mag gegie om ʼn kwart vannie aarde se mense dood te maak, deurie swaard, hongesnood, en ʼn plaag, en deurie wille diere vannie aarde.

9 Toe die Lam die vyfde seël oepgemaakit, het ek onnerie altaar die siele gesien van hulle wat doodgemaak was oorie boodskap van Got ennie getuienis wat hulle gegie het. 10 Hulle skrie toe uit, “Hoe lank nog, o heilige en betroubare Heer, gat U nog wag voorat U die inwoners vannie aarde oodeel en wraak niem oo ôs bloed?”

11 Elkeen van hulle was toe ʼn lang wit kleed gegie om an te trek en hulle was gesê om nog net ʼn bietjie langer uit te hou, tot die volle nomme van hulle medegeloewiges en medediensknegte wat net soes hulle doodgemaak gat wôd om vol te wies.

12 Ek het gekyk soes die Lam die sesde seël oepgemaakit. Daa was ʼn groot aardbewing, die son het swat geraak soes ʼn harige sak, ennie maan het bloedrooi geraak. 13 Ennie sterre vannie hiemel het aarde toe geval, net soes ʼn vyeboem wat sy vye uitgooi wanne dit geruk wôt deu ʼn stêk wind. 14 Die hiemel het vedwyn soes ʼn boekrol wat opgerol wôd, en elke bêg en eiland is uit hulle plekke uit geskud.

15 Dis toe die konings vannie aarde, die prinse, die generaals, die rykes, ennie mense wat oo anner mense regeer, en allie anner mense, dié wat slawe is en dié wat vry is, amal in grotte en tussenie bêge gat wegkruip het. Hulle het virrie bêge en rotse gesê, “Val op ôs en stiek ôs weg. Ôs willie hê Got moet ôs sienie. Ôs willie hê die Lam moet ôs straffie. 17 Wannie groot dag het angebriek dat hulle ôs gat straf en ôs sallie anhou liewe nie!”

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top