"Deesdae" deur Marcel Britz

  • 0

Deesdae

Deesdae brom jy in vreemde tale
Jou lyftaal iets wat ek al lank nie meer verstaan
Jy beduie vir my in onverstaanbare gebare
? Boodskap wat my keer op keer ontgaan

En dag na dag kan ek sien hoe ek jou verveel
hoe dinge van my jou grensloos irriteer
En dit maak nie saak hoe hard ek probeer nie
daar is dinge wat selfs ek ook nie kan keer

REFREIN:
Want een en een maak nie altyd twee nie
en dinge gebeur nie regtig soos dit moet
Donker wolke het nie altyd ? silwer rand nie
Dis nou maar eenmaal hoe dinge regtig is

En ek en jy, ons beweeg sy aan sy
maar daar is dimensies wat ons van mekaar af skei
Ons okkupeer dieselfde stukkie wêreld
maar ons wentel so ver bymekaar verby

En ek besef uiteindelik die erns
as ek vaskyk in jou onverdiende smart
Want iewers tussen hierdie plek en nêrens
het ek vasgeval op die grondpad na jou hart

REFREIN

Teken in op LitNet se gratis weeklikse nuusbrief. | Sign up for LitNet's free weekly newsletter.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top