COVID-19-doodsengel

  • 0

Foto: Canva.com

COVID-19-doodsengel

Elke sterfgeval weens COVID-19 laat jou sidder 
Daagliks is daar meer berigte van bekendes wat dood is
Jy kyk na die gesig op die foto in die koerant 
en wonder waar hy aangesteek het 
of hy sy hande gewas het 
of hy ’n masker gedra het 
of hy sosiale distansiëring toegepas het 
Dan gaan kyk jy op Wikipedia waar die bekende gebore is 
waar hy gebly het 
hoe oud hy was 
waarvoor hy bekend – en dalk berug – was 
hoeveel kinders hy gehad het 
jy wonder wat sy drome vir homself was – en of hy daardie drome verwesenlik het. 
Maar veral wonder jy by wie se huis die COVID-19-doodsengel nog gaan aandoen.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top