Caster Semenya

  • 0

Indien Caster ’n vrou is staan dit haar vry om aan enigiets deel te neem, of in enige sportitem te kompeteer as vrou, ongeag die vlak van testosteroon in haar liggaam. Die instansies wat nou bepaal het dat haar testosteroonvlak te hoog is het net ’n lat vir hulle kollektiewe agterent gepluk, want dit moet tog baseer wees op ’n gegewe afsnypunt en waar sou dié nou wees?

Gestel, argumentsonthalwe, die afsnypunt is op, sê, syfer 5 om nou net sommer ’n getal te kies.  Hoe verskil dit van ’n vrou wat op syfer 4,9 lê?  Nie veel nie sou ek sê. Wat is byvoorbeeld ander robuuste dames soos Billy Jean King, Martina Navratilova en Serena Williams se vlakke? 

Kan dames wat teen fris meisies verloor nou gaan aandring dat einstes se testosteroonvlakke eers getoets moet word om te bepaal of hulle werklike wenners is?  Natuurlik nie.

Die oorgang van petite na robuust is geleidelik en in sport is dit nou maar so dat materiële voordeel seëvier. Dis maar in manssport dieselfde; ’n rugby-voorry van gemiddeld 70kg gaan sleg tweede kom teen ‘n voorry van gemiddeld 110kg – die ligter voorry kan nie gaan kla dat die swaarder ene geneties bevoordeel is en dus nie mag speel nie.

Jan Rap

 

 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top