Bybel in Kaaps: Abram en Lot

  • 0

Genesis 13

Abram en Lot

13 Soe het Abram toe van Egipte af narrie Suidland opgetrek, hy’t met sy vrou en met alles wat hy gehad het, en oek met Lot saam hom getrek. 2 Abram was baie ryk in vee, met silwer, en goud.

3 Hy’t toe vêder met sy reis angegan vanaf die Suidland tot by Bet-el, narrie plek waa sy tent eeste gestaanit, tussen Bet-el en Ai, 4 daa byrie plek wat hy eeste ’n altar gemaakit. Daa het Abram toe die naam vannie Jirre angeroep.

5 Nou Lot wat saamit Abram getrek het, het oek kleinviee, en bieste en tente gehad.

6 Maa die land konnie al twie van hulle dra om saam daa te bly nie, wan hulle besittings was te veel vi hulle om saam te kon bly. 7 En daa het moeilikheid begin onnerie veewagtes van Abram en Lot. Die Kanaäniete en Feresiete het daai tyd oek innie land gebly.

8 Toe sê Abram vi Lot, “Lat daa toggie moeilikheid tussen my en jou wiesie, vra ek jou tog, en oekie tussen my wagtes en jou wagtes nie, ôs is tog broes. 9 Lê die hele lantie oep voo jou nie? Vat djy tog maa asseblief jou eie pad weg van my af. As djy links gan dan sal ek regs gan, of as djy kies om regs te gan dan sal ek links gan.”

10 Lot het toe sy oë op geslat en narrie hele Jordaanstreek gekyk, hy’t gesien dat daa oral oogenoeg water was soesie tuin vannie Jirre, soesie land van Egipte soes djy Soar toe gan. Dit was voorie Jirre vi Sodom en Gomorra vewoes het.

11 Toe kies Lot die hele Jordaanstreek vi hom, en toe het hy toe narrie ooste toe weg getrek ennie twie van hulle het van mekaa geskei. 12 Abram het innie land van Kanaän gebly, en Lot het gat woon innie stede vannie Jordaanstreek en hy’t sy tente opgeslat tot soe ver as Sodom.

13 Nou die manne van Sodom was baie sleg en sondaars tienie Jirre.

14 Na Lot weg van Abram af getrek het, hettie Jirre vi Abram gesê, “Slat tog nou jou oë op, en kyk vannie plek af waa djy staan narrie noorde en suide, narrie ooste en weste. 15 Allie land wat djy sien sal ek vi jou en jou nageslag gie tot in iewigheid.

16 Ek sal jou nageslag soesie stof vannie aarde maak, soedat as daa iemand is wattie stof vannie aarde kan tel, jou nageslag oek getel kan wôd.

17  Maak jou klaa en trekkie land deu in sy lengte en sy breedte, wan Ek sal dit an jou gie.”

18 Soe het Abram toe sy tente al vêder opgeslat en byrie eikeboem van Mamre, wat in Hebron is, gat bly en daa virrie Jirre ’n altar gebou.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top