Litnet

Foto: Canva

By die afsterwe van BB

Nie alleen oor ’n verspeelde geselsie nie,
lê ek op my bed en treur oor Breyten.

Hoe onvanpas, sou jy sê.
Die dood is ’n reis nader aan die waarheid.

Ten aansien van die reus in die groen trui,
in jou dampkring skooldogter-bedees,
oorskadu deur ’n meesterlike intellek,
al word dit duidelik in jou opkyk, in ’n tuin

van beelde waar digters en aspirante wandel,
ontdaan van ego, selfs vlietend besorg lyk jy:

Nogtans twyfel ek.