1. As God met ’n bulderende stem vanuit die hemel praat sodat almal hom kan hoor en sê: “Sien julle bliksems nou dat ek al die tyd reg was? Daarna verander hy alle lewe weer in sponse, en begin van vooraf.
2. As die klomp Christene hier op SêNet, dis nou Kobus de Klerk, Cornelius Henn, et al, begin sin maak.
3. As mense se afarms en -bene weer aangroei.
4. As die woorde “Ontwerp deur God” in die DNA-kode verskyn.
5. As Jesus en Mohammed terugkeer en die ou sakie met bokshandskoene by Sun City betwis. Wenner vat al die siele (of is dit nou geeste?)
6. As Jesus keer terug en sê: ”Ek het julle mos gesê die Mormone was reg: een man, tien vrouens.”
7. As die sterre een aand op ’n wolkelose hemel herrangskik sodat daar geskryf staan: God is die pappa van almal.
8. As al die dominees van die NG-kerk gay is.
9. As die fossiel van ’n megalosaurid Sciurumimus ontdek word met die fossiel van Homo sapiens in sy maag.
10. As dit reën na ’n biduur vir reën.
11. As God ons Boere ( en sommer ons ander ook wat nie boer nie) beskerm teen moordenaars.
12. As God elke kind se magie vul voordat hy gaan slaap.
Groete,
Angus
Kommentaar
11-10-2013
Broeder Angus
Sjee my die jaartal vannie Groot Knal en ek ewolueer tot Groot Knal-gelowige.
Kobus Faasen
....
13. As 'n slang met my begin gesels
14. As sterre begin beweeg en tot stilstand kom oor huise
15. As die son verduister word vir drie ure met volmaan
....
...
16. As Kobus sê God bestaan nie en alles in die Bybel is 'n klomp nonsens. Dit sal ten minste beteken dat Satan bestaan.
...
Beste Angus,
Dis sekerlik baie waar as jy geloof op slimmighede en Spirituele Intellligensie moet grond.
Dis sekerlik nog meer die waarheid as jy jou ore aan ware gelowiges moet uitleen wat die Bybel as Jesus Christus - die Woord van God - verheerlik.
Ergste natuurlik as jy vir hul "liewe ekke veldtogte" moet val (soos die werf se nimlike Trienie Mahne ongelowige harte vir haar pot vang - mog jy tog nooit daarin omkom nie)!
... en as dit moes, sou ek dan nie eens 'n ongelowige Christen wil wees nie!
Maar, dis die vrede wat jy mag het; dat onse lewende Skepper, self geloof in jou hart sal bewerk - waar, wanneer en hoe God dit ookal wil.
Dis genadiglik nie nodig vir my om sin te moet maak, of om 'n Christen te moet wees nie (iets waarvan ek lank gelede reeds verlos is).
Namaste!
Cornelius Henn
Hello Angus,
Ag nee, Angus, nou verwag jy darem té veel van 'n magtelose, impotente god wat boonop ly aan 'n erge graad van narkolepsie. Ek sou in God glo as hy die Japanese kinders gespaar het in Hiroshima veral van die ontsettende lyding wat hulle moes verduur na die ontploffing, en as hy die grootste Katolieke Katedraal in die stad gespaar het van totale vernietiging.
As hy sy eie volk gered het uit die kloue van die Nazis, en die slagting van die Huguenote op St. Barthalomew-nag in 1572 verhoed het.
Verder sal ek jou nie langer verveel nie met die lang lys van verskriklikhede wat 'n ware lewende God wie se wysheid, almagtigheid en alomteenwoordigheid besing en geprys word in die kerke vandag.
Beste groete,
Pieter Redelinghuys
Wanneer ek 'n 'first edition' van 'die woord' 'signed by God' kry. Ek dink CLR moes maar desnoods uiteindelik aanvaar dat Kobus bedoel die Bybel met 'die woord' ... en 'n register van die 'miljoene katolieke' ook afgteken deur God ... en onder die mikroskoop 'Made by God', nie net DNA nie maar alles met 'n nota 'shipped from heaven' ingesluit .... en die aksyns reeds betaal
Beste Angus
As is verbrande hout. Jy soek nie God maar 'n sekuriteitsmaatskappy en 'n wonderwerker. Jou begrip van Christenskap is maar taamlik beroerd en al jou wense is net wat dit is wensdenkery.
B'ste K'bus F'sen,
Angus Pieter Chris en Wouter
Ek kyk nou die dag die video van daardie Maher-kêrel wat iemand hier gepos het, kan nou nie presies onthou wie dit was nie. Baie spitsvondig, hierdie Maher, ek het lekker gelag. Maar dit tref my toe, weer eens, soos hierdie briewe en kommentaar van julle, dat ateïsme wel 'n religie is (ten spyte van Maher se protes) en wel uit hoofde van die feit dat dit aktief verkondig word. Maher, en julle, kom sporadies op met julle redes hoe belaglik godsdiens is en, by implikasie, hoe wys en verlig dit sal wees om julle siening te aanvaar. Dit is 'n missie by julle, julle spandeer tyd en energie om julle sendingwerk te doen. Onbaatsugtig, julle verwag niks van die lesers nie, net dat hulle julle moet glo.
Beste Jan Rap,
Hello Jan Rap,
Angus, so jy glo niks, jy wéét ...
Jy weet daar was 'n oerknal, jy weet daar is parallelle heelalle, jy weet hoe die klippe by Machu Picchu gesny is, jy weet reeds alles wat wetenskaplikes en navorsers nog glo hulle kan bewys. Lekker man, lekker.
Terloops, jou antwoord hierbo aan Kobus Faasen was kostelik. Alhoewel bietjie sarkasties was dit só goed ek is seker hy kon ook nie anders as om te lag nie.
Groetnis
Jan Rap
Beste Jan,