Litnet

Wouter, ek verwys na jou briefie van 3 deser.

Vele flieks (en verhale, skilderye, beeldhouwerke, briewe en plakkate), wat hulle ten doel stel om een of ander entiteit te verguis, boemerang. Vat nou maar Francois se briewe. Met sy beledigings teenoor die ‘slegte’ wittes en die ‘bankrot’ Europa slaag hy elke keer daarin om die toiingrigheid van Afrika en die praal van Europa, wat Afrika met aalmoese aan die lewe hou, te beklemtoon want onwillekeurig vergelyk mens dan die twee.

So boemerang District 9 dan ook; nie eers die vreemde Prawns kan die aandag van die toiingrige omgewing, en die kontinue rampokkery daar, aftrek nie. Dit is soos ‘n skildery met ‘n interessante onderwerp maar in die agtergrond.