Litnet

Beste Jan,

Jy sê ALMAL moet afstand doen van die absurde Amerikaanse gebruik, nl om van ‘n “billion” te praat, en dit met ‘n 1 en nege nulle te skryf.

Die Engelse, en soos ek verstaan, regoor die wêreld aanvaar nou dat biljoen 1 en nege nulle is.

Ek verstaan nou nie mooi wat jy wil hê nie. Moet ALMAL (dis nou Engelse, Franse, Duitsers, Afrikaners, ens) die woord biljoen (of wat die vorm van die woord ook al in hulle taal is) verban? Of moet hulle terugkeer na biljoen wat 1 en twaalf nulle geskryf word omdat dit grammatikaal korrek is?

Dan wil ek weet hoe jy die ALMAL gaan dwing om volgens jou pype te dans?

Wat die grammatika betref: ek kan nogal jou siening van taal en sy oorsprong verstaan, want jy is ? gelowige en nes Christengelowiges, glo jy dat taal onmiddellik, gekompliseerd, ontstaan het. Adam kon Hoog-Galdees of dalk nog Aramees grammatikaal korrek praat, die oomblik toe hy geskape is. Wat meer is, Eva kon hom verstaan, om nie die minste van die slang te sê nie. Jy glo net weer, sonder bewyse, dat tale van ylins afkomstig is. Ek sal graag wil weet waarom jy so absoluut seker daarvan is dat taal nie geëvolueer het nie.

Aan jou skrywe kan ek sommer sien dat jy taal en sy grammatika nie verstaan nie.

Kom, ek verduidelik dit kortliks aan jou aan die hand van Engels en Afrikaans.

Om ? taal te praat, is die kennis van grammatika glad nie nodig nie. Ons huishulp kan Sotho, Zulu, Xhosa, Afrikaans en Engels praat en verstaan, maar moenie vir haar vra wat ? naamwoordstuk, werkwoordstuk, is en hoe hulle aanmekaar skakel nie. Sy was ook nooit op skool nie.

Engels is vir eeue gepraat sonder dat enigiemand daaraan gedink het dat dit moontlik ? struktuur kan hê. Dis eers in die laaste jare van die sestiende eeu dat ? ene William Bullokar, wat ? goeie kennis van Latynse grammatika gehad het, die struktuur van Engels bestudeer het, en so die eerste Engelse grammatika geskryf het. Hy het ook spelreëls vir die Engelse taal gemaak.

Kort na die aankoms van Jan van Riebeeck, het die Nederlands alreeds hier afwykings begin toon om aan te pas by nuwe omstandighede. Spoedig was daar aan die Kaap ? afwyking, bekend as Kaaps-Hollands te bespeur. Vryburgers, Trekboere en Oosgrens-boere het weer ? soort Boere-Afrikaans, of Oosgrens-Afrikaans gepraat. Dan was daar nog Slawe-Afrikaans en Vreemdelinge-Afrikaans. Hierdie mense het almal, sonder die kennis van ? grammatika, en sonder dat hierdie nuwe taal ? geskrewe grammatika het, Afrikaans gepraat. Dis eers in 1875 dat die eerste Afrikaanse grammatika sy verskyning gemaak het.

Die gesproke taal kom eerste, dan word dit geskryf, en eers veel later kom taalkundiges agter dat hierdie gesproke taal ? struktuur het wat nogal baie ooreenkom met die strukture van ander tale.
Jan, die fout wat jy begaan is om Afrikaans te sien binne ? geïdealiseerde taalgemeenskap. Vir jou bestaan Suid-Afrika uit ? klomp mense met almal dieselfde taalgedrag. So ? Bloomfieldiaanse siening van taal laat geen idiolek, streektaal, of dialek toe nie. Taal tree tog op soos ? lewende organisme: dit pas aan by omstandighede en omgewing: dit evolueer gedurig.

Groete,
Angus

Ns. Ek wou hierdie skrywe sommer as kommentaar onderaan jou www.litnet.co.za/Article/brief-vir-angus-oor-biljoene spoeg en plak. My afdruk van die eerste Afrikaanse grammatika wou dit nie toelaat nie; dus skryf ek maar onder ? nuwe opskrif. A