Dagsê Angus
Jou kommentaar onderaan my brief van 15 deser verwys.
Natuurlik sal ek graag enigiets enige tyd met jou wil bespreek. Ek het, soos maar alte dikwels, myself net weer lomp uitgedruk. Ek het nie bedoel dat jy jou tyd mors deur, wat jy onder grammatika verstaan, aan my te probeer verduidelik nie; ek het net bedoel 'n diepgaande verhandeling omtrent grammatika is onnodig wanneer mens so 'n eenvoudige storie soos die gebruik van mengeltaal wil identifiseer.
Ek sê weer, dis eenvoudig: As die aangespreekte kennis moet dra van 'n ander taal dan is die spreker besig om gemengde taal te gebruik, punktum. Soos die laaste woord in die vorige sin; dit is 'n vreemde woord en die wat nie Duits op skool gehad het nie sal dit heelwaarskynlik nie verstaan nie en dit is dus mengeltaal. Die feit dat die meeste van ons Engels op skool gehad het maak Englikaans, of Afrengels, nie outomaties suiwer Afrikaans nie.
Die sin " usually, as ek vir myself goals geset het, achieve ek hulle" kan nie verstaan word sonder 'n kennis van Engels nie en dit is dus mengeltaal, ongeag jou beskouing van grammatika.
Groetnis
Jan Rap
Kommentaar
Beste Jan,
Beste Angus
Beste Enjee,