Litnet

Kabinet wil dit nou blykbaar goedkeur dat die staat blanke-eiendom mag onteien, en aan nie-blankes oordra. Dit sal in die Parlement bespreek word en daarna in die wet ingestem word. Dit gaan interessant wees om te sien hoe die DA daarop gaan reageer, die party wat die meeste blanke kiesers trek.

Tradisioneel vind onteiening plaas waar privaatgrond vir staatsbeplanning en ontwikkeling benodig word, soos paaie verbreed, nuwe vervoer-aanleg soos die Gautrein, ens. Privaat-eienaars word dienooreenkomstig verplig om die betrokke stuk grond aan die staat te verkoop vir die beplande ontwikkeling. Eienaars word gewoonlik teen markverwante pryse uitbetaal, en waar ‘n dispuut tussen die privaat-eienaar en die staat plaasvind, word ‘n onafhanklike tussenganger se beslissing die finale prys wat die twee partye moet aanvaar.

Hierdie nuwe voorgestelde wetgewing kan die staat alleenvolmag gee om te beslis wat hy gaan of selfs nie gaan betaal nie. Dit word huidig ten doel gestel om blanke-boere te dwing om hulle eiendom aan die staat af te staan teen vergoeding wat die staat alleenlik sal bepaal. Die bewoording is van sodanige aard, dat dit nie net tot plase beperk is nie, maar enige ander private bates van blankes, soos besighede en selfs privaatwonings, asook myne in blanke besit.

Indien dit so is, is die verskil tussen markwaarde en geld vir onteiening betaal, geld wat die staat van die eienaar STEEL, en hierdie diefstal sal gewettig word.

En ongelukkig is die gemiddelde blanke se houding dat indien hy self nie persoonlik geraak word nie, skeel dit hom min wat met ander blankes gebeur, die dat die staat weet hy sal met dit kan wegkom sonder enige sosiale protes van blankes wat moontlik ongewenste wêreldmening en aandag op die saak kan vestig.