Litnet

Liewe Perdebytjie,

Hoekom my die boef maak wat glo aan haat en aanval op ander se persoon skuldig is - net omdat ek Kobus de Klerk, Jaco Fourie en Trienie Mahne se kommentaar elders aan my herhaal?

Indien jy wel my bydrae onder hoofde "Trienie Mahne; Kobus de Klerk se meisie en Jaco Fourie se fornikasie" gelees het, sou jy dalk gemerk het dat dit hoofsaaklik die belediging van die werf se "ware gelowiges", en hul sikofante, aan my persoonlik gerig is.

Hoekom ek dit dan herhaal (in hul modder rol)?

Wel Perdebytjie, in die verlede is menige sulke kommentaar teenoor my gelewer wyl min van julle skynbaar kennis daarvan dra en hierdie duiwels, as duiwe vertroetel word.

Daarom het ek besluit om hul onlangse teistering, deur veral Kobus de Klerk en Trienie Mahne (en nogals gereeld met Jaco Fourie, Chris Dippenaar en Wouter Ferns aan hul hand), op rekord te plaas.

Die Boeddha en sy dissipels het op 'n dag gewandel toe 'n besetene uit 'n bos storm en die Boeddha begin beledig. Die Boeddha het rustig gestaan en luister, sonder om die minste andersyds daarop te reageer. Na 'n ruk het die besetene sy wrok laat vaar en verdwaas terug na sy bos gedwaal. Die dissipels vra toe die Boeddha hoekom hy niks op die besetene se ongegronde belediginge geantwoord het nie? In sy wysheid antwoord die Boeddha; as iemand jou 'n geskenk bied en jy aanvaar dit nie - aan wie behoort dit? Die dissipels het die vrede daarvan begryp en onverstoord verder gewandel.

Ek het wel ten koste van myself Kobus de Klerk, Jaco Fourie en Trienie Mahne se  "presentjies" oopgemaak, dit in die lug gehou vir almal om te kyk, en dit toe ter wille van almal in die hel gesmyt - presies waar dit vandaan kom!

Perdebytjie, ek het jou nog altyd as een van die dames op die werf respekteer, en daarom wil ek ook nou die geleentheid gebruik om verskoning teenoor jou - en almal hier vir die kruheid in die gewraakte aanhalings te vra; maar onthou - dis hul uitinge en presies in hul eie woorde - die waarheid omtrent Kobus de Klerk, Trienie Mahne, Jaco Fourie.

Dit laat gewis 'n wrang smaak.

'n Mens sou verwag het dat ons as die gaste hier, minstens die bedoeling van ons land se grondwet in terme van andere se Godsdiens en seksualiteit sou handhaaf. Nou beledig en probeer ondermyn hierdie bendetjie  gedurig ander se geloof en ongeloof, en waag selfs om my seksualiteit en welstand, as verdag te probeer laat - alles in hul reg op vryheid van spraak.

Ek hoop jy verstaan dat my bydraes in die verlede, eintlik niks anders as pêrels deur hierdie bende anderhaters vertrap is nie.

Ek bid egter steeds dat Jesus Christus onse HERE, self die Tuinier daarin sal wees.

Besef enigeen hier dat my vrede met ander se geloof en ongeloof, asook die uitleef van my hart daarin, die enigste provokasie vir Wouter Ferns, Chris Dippenaar, Dolf van Loggerenberg, Trienie Mahne, Kobus de Klerk, George en  Jaco Fourie is?

Moet die bedroëne dan altyd ter wille van ander se eerbaarheid swyg?

En dit het vererger, net omdat ek dit durf waag het om vele van hul dwalinge verkeerd te wys - en daarom vandag die eentonige wraak in hul gevolglike gekrenkte ego's.

My deelname en bedoeling hier is juis om bevraag te word, maar waarom moet ek gedurig deur hierdie geveinsdes (gelowig en ongelowig), daarvoor beledig word?

Wat is hieruit te leer?

Al is dit dan die enigste les; kyk hoe lyk die gesindheid en koste waarin enige ander ook hul hart hier waag - veral sou hulle afwyk van die konformis-godsdiens wat as die "ware godsdiens" hier gedweep word, of wanneer wannabe ateïste se Bybelaanbid-strooipoppe en ter wille van die Evangelie, aan flarde geblaas word.

Ek het wel nog baie omtrent vergifnis te leer; wat ek wel weet, is dat die misdadiger nooit in 'n engel verander as hul vergewe word nie, maar dat die slagoffer vrygemaak word daarin!

Dankie vir jou belangstelling Perdebytjie.

Mag Jesus Christus onse Boeddha, ons almal vergewe.

Namaste!

Hindoe-, Moslem-, Joodse, Boeddhistiese, katolieke en Afrikaliefde,

Cornelius Henn