Sedert my laaste brief van twee dae gelede het die dodesyfer van Palestyne in Gaza gestyg tot bo eenduisend persone. Sover is 34 Israeliete gedood in die huidige geveg. Dalk is die tyd nou ryp om Israel aan te kla by die Internasionale Hof in Den Haag vir "war crimes" en "crimes against humanity" soos die internasionale formule lui, maar wag! Enige kritiek teen hierdie land word summier van die hand afgewys as "anti-Semitisme", en terwyl die VSA hierdie land ondersteun en met wapens voorsien, is die "internasionale gemeenskap" totaal impotent.
Watter snert dat die sagmoediges en die armes die aarde sal erf. Dit is blatant duidelik dat die rykes, die kriminele klas, naakte geweld, en diegene met die meeste wapens en kanonvuurskoot sal triomfeer. Dit was altyd so gewees, en sal altyd so wees.
Pieter Redelinghuys
Kommentaar
Pieter.
Net 'n paar observasies.
Moderne Israel is 'n sekulêre staat, die meerderheid Israelis, is of non-godsdienstiges, of is nie-onderhoudende gelowiges nie. Behalwe vir 'n minderheid "zealots" (omtrent 17%) gaan dit vir hulle hoofsaaklik oor matige sekulêre nasionalisme en nie oor godsdiens nie. Die Jode in die diaspora is waar die eintlike godsdienstiges te vinde is. Die non-godsdienstige Israelis teer ekonomies op die godsdienstige diaspora, veral die in die VSA.
Die Palestyne in teenstelling is beide fanaties godsdienstig, asook fanaties nasionalisties. Hulle wil selfs nie deel van Jordania wees, waarvan die Wesbank oorspronklik deel van was nie.
Ignoreer die fiktiewe romantiese Bybelverhaal oor die uittog van die Hebreërs vanuit Egipteland wat argeologies geen bewyse bevat nie, en lees die argeologiese bevindinge oor die “Habiru” (Hebreërs ) wat in die Armana en Ugarit tablete opgeskryf staan. Die goeweneurs (of konings) van Gath, Gezer, Lachish en Jerusalem het bitterlik oor hulle onwettighede en aanvalle, teenoor hul opperheerser, die Egiptenare gekla. Onder die Semitiese lande, was die Habiru oorspronklik sosiale verworpenes, slawe, vlugtelinge, bandiete, ens wat mettertyd saamgesnoer het om uiteindelik verskeie duidelike sosiale en politiese entiteite te vorm, en was te vinde in Egipte, Kanaän , Sumer, Ur, die Hurrians, ens.
K
Sekere Argeoloë handhaaf die mening dat die Habiru wat reeds in Kanaän te vinde was, mettertyd die oorhand in die land bekom het, dus die verklaring vir die latere wrywing onder hulle tusssen hul vroeëre veelgodery aan die eenkant en die ingevoerde enkelgod van Egipte aan die ander kant.
Die oorspronklike inwoners van Palestina (vernoem na die Filistyne) was semietiese Kaänaniete. Die non-semietiese Filistyne is latere indringers, vermoedelik van Kreta. Die Fenisiërs van Lebanon blykbaar ook oorspronklik van Kreta, het bykomstig kolonies gevorm, waarvan die bekenste Kartage (Carthage) was. Nebukadneser van Babilon het die hele bevolking van Palestina verplaas en vervang met ander volkere vanuit ander dele van sy ryk. Steeds later is daar Grieks en Romeinse indringers. Met die oorname deur Islam, is mense weer verdryf en oorwegend met Arabiere vervang. Steeds later, en vir honderde jare het die Turkse Ottoman-ryk die land regeer. Met die val van die Ottoman ryk, is Lebanon, Sirië en Palestina deur die VVO in die lewe geroep. Onthou. Deurgans sedert die val van Jerusalem in 70nC, het Jode ononderbroke in Palestina gewoon as minderheid en sonder enige politieke stelsel nie.
Palestina (Israel) het sy onafhanklikheid verloor met die oorname deur die Babiloniërs, honderde jare voor Christus. Behalwe vir ‘n kortstondige onafhanklikheid gedurende die Makkabeër-periode, omtrent ‘n honderd jaar voor Christus tot en met 1948, was Palestina ononderbroke aan ander se gesag onderworpe.
Wat ek hierbo wil sê is dat die huidige inwoners van Palestina, nie die oorspronklike inwoners daarvan was nie, en dat oor die eeue heen daar ‘n voortvloeing van mense en kulture gekom en gegaan het, die jongste waarvan die Arabiere, met Jode as die langste ononderbroke inwoner, hetsy als minderheid sonder enige politieke voorkoms sedert 70vC.
Met die verstryking van die Britse mandaat van Palestina, is Palestina onderverdeel tussen Israel en Palestina. Vir meer as vyfhonderd jaar voor die val van die Ottoman-ryk was daar geen Palestina of Israel nie. So albei is gesamentlik wedergebore.
En ja, die totstandkoming van Israel het gepaard gegaan met onderdrukking en geplundery. Vrede kan bekom word uitsluitlik indien beide partye tot ‘n vergelyk kom. Israel het die twee-staat beginsel aanvaar, nie die Palestyne nie. Volgens hulle moet alle Jode padgee en die hele Palestina aan hulle oorgedra word. Ooglopend ‘n nonsens benadering, dus die voortslepende oorlog tussen die twee. Egipte en Jordania het erkenning aan Israel se bestaansreg gegee, en werk saam om die Palestyne in toom te hou.
Ek persoonlik ondersteun die Israelis vir verskeie redes, oa hulle demokratiese stelsel, vryheid van godsdiens. Vryheid van seksuele voorkeure, oa homoseksueel, gelykheid van geslagte, ens. In teenstelling sal ek die Palestyne teestaan vir hulle strewe na Sharia-wetgewing (verminking), hul drang na ‘n Islamitiese staat met die gepaardgaande godsdienstige fanatisme, vroue-onderdrukking ens.
Daar word vining na menseregte vergrype gedurende oorlogsituasies geskree, maar die menseregte vergrype (hoofsaaklik Islamities) gedurende vredestyd word geïgnoreer. Wrede vroue-besnydenis (FSM = female sexual mutilation) in Egipte en Somalia; hande, voete, ore, tong, ens. wat afgesny word in die naam van godsdiens (Sharia); doodstraf vir afvalligheid van Islam. Lyfstraf vir non of ongenoegsame onderhouding van die voorskriftelike aantal gebede per dag deur die Koran verlang. Kleredrag veral vir vroue word voorgeskryf. Vir mans hul gesigshare wat hulle nie na willekeur mag afskeer nie. In teenstelling moet die hare van die geslagsdele skoon afgeskeer word.
Onlangs is ‘n gay jong man in Saudi Arabië tot twee jaar tronkstraf met oor die 400 lat-houe op die gat oor die tydperk gevonnis. Vir wat? Hy het op die internet vir ‘n ander gay gesoek! In Irak vlug vrouens van ISIS rebelle wat daarop aandring dat alle vrouens onder hulle beheer, besny moet word!
Ek gril as ek moet dink wat die Palestyne aan die Jode gaan doen indien hulle die oorhand sou bekom, met veral die Islamitiese geskiedenis vir onbeteulde wreedheid!
Ek is jammer. Maar ek is van mening die simpatie vir die Palestyne is misplaas.
Pieter.
Jy is so naby ondergenoemde gebeure.
Wie ondersteun jy? Die VSA en EU wat die Maiden opstand (coup de tat) in die Oekraine bewerkstellig het aan die een kant, of Rusland wat die rebelle in die Ooste van Oekraine onderskraag aan die ander kant?
Beste Jaco,
Jou vraag lei as volg: Wie ondersteun jy? Die VSA en die EU wat die Maiden opstand ( coup d´e´tat) in die Oekraine bewerkstellig het, aan die een kant, of Rusland wat die rebelle in die Ooste van die Oekraine onderskraag aan die ander kant?
Die VSA en EU het 'n enorme flater begaan deur 'n coup d´e´tat in die Oekraine te ondersteun, en hulle hul regtig verbeel het dat hulle daarmee sal wegkom sonder dat Rusland sal reageer. Die Westerse internasionale pers het blykbaar ook voorgeneem om tjoepstil te bly oor die onaanvaarbare aard van hierdie politieke inmenging in 'n sowereine land, en nogal in 'n geopolitiese gebied wat altyd Rusland se voorland was. Die militêre strategie van die VSA is om die Oekraine in die Westerse kamp te kry, en dan dadelik 'n lid van NATO te maak. In die Krimskiereiland sou dit ook 'n verlies van Rusland se enigste warmwater vlootbasis beteken. Buitendien, die Krim het in die verlede altyd aan Rusland behoort, totdat Krushchev die Krim aan Oekraine geskenk het toe die verhouding tussen die twee lande soos tweelingbroers was.
In die huidige toestand speel die VSA en EU met vuur. Die agressie kom direk van VSA se kant, en die EU gaan gedweë daarmee saam. Die strategie van die VSA is om Rusland te omsingel met NATO-lande, en geen land op aarde kan tevrede wees met hierdie toestand waar sy veiligheid so bedreig word nie.
Verder ondersteun ek glad nie die rebelle in die Ooste van Oekraine nie, hoewel ek hulle aksies verstaan wat 'n direkte reaksie is teenoor die anti-Russiese politiek wat die huidige regering in Wes-Oekraine bedryf.
Lees gerus Noam Chomsky, die mees vooraanstaande Amerikaanse intellektueel en filosoof, Professor aan die vooraanstaande MIT. Hy draai geen doekies om deur die VSA die grootste eksporter van terrorisme te noem nie.
Beste groete,
Pieter.
Beste Jaco,
Dankie vir jou brief. Die deel wat handel oor die vroeë geskiedenis van Palestina en die volke wat die land duisende jare gelede ingetrek het was heel interessant.
Dan volg daar stellings wat heel kontensieus voorkom, soos dat die Palestyne heel fanaties en nasionalisties is. Waarop basseer jy jou stelling? Is hulle dan meer fanaties as godsdienstige fanatiese Jode wat die Palestyne wil uitdelg, en hulle "settlements" op laasgenoemde se grondgebied bou?
Verder flans jy te veel verskillende elemente in jou argument by waarom jy geen simpatie vir Palestynse regte het nie, soos die hoedanig demokratiese aard van Israel , en dat gays daar vrylik kan asem haal. Dit is nie die kern van die argument nie. Grond, grond, grond wat behoort aan die Palestyne is die kern van die saak. Op hierdie grond bou fanatiese godsdienstige Jode hulle sg "settlements" en hierdie proses gaan aan, en aan, en aan.
Natuurlik as dit neerkom op 'n keuse tussen woon onder sekulêre Jode of Palestyne, sal ek ook eergenoemde kies. Maar dit gaan nie daaroor nie. Dit gaan oor regte oor grond presies soos in Suid-Afrika vandag.
Groete,
Pieter Redelinghuys
Pieter.
Jou respons aan my: “Dan volg daar stellings wat heel kontensieus voorkom, soos dat die Palestyne heel fanaties en nasionalisties is. Waarop basseer jy (Jaco) jou stelling? Is hulle dan meer fanaties as godsdienstige fanatiese Jode wat die Palestyne wil uitdelg?”
Ek kwoteer betroubare bronne as antwoord op jou vraag:
“A senior Hamas official told Gulf News that the Gaza Strip and Palestine in general need a new punitive law to replace the old and “impractical” one. He said that the spread of crime is the reason the new punitive law “which is inspired by” Sharia has been drafted. Sharia allows for lashings, executions and punishments such as cutting off the hand of a thief. The law stipulates a minimum of 20 lashes for a minor offense, with the number of lashes increasing with the seriousness of the offense. A minimum of 80 lashes is to be imposed in criminal cases. The law also widens the use of the death penalty as per Sharia (oa. afvalligheid van Islam). Articles No 289, and 290 of the proposed law stipulate the cutting off of the hand of a thief and a minimum of seven years in jail in case the criminal repeats his crime:” Gulf News March 27, 2014
“A new global survey of Muslims by the Pew Research Center has found that Palestinian Arab Muslims polled the highest in favor of suicide bombings as a justifiable means “to defend Islam.” The poll also found that 89 percent of Palestinian Muslims favored sharia becoming “the official law of the land.” May 1, 2013 Washington Times.
Mbt tot die Israelis:
“Recent surveys show slightly more than fifty percent of the population identifies as religious, with 7% self-identifying as Haredi (ultra-Orthodox), who are most recognizable by their traditional Jewish dress, 15% as Orthodox and 32% as traditional. Slightly less than half of Israel’s Jewish population consider themselves secular, with only 3% having an antagonistic view of religion”.
http://www.chosenpeople.com/main/index.php/international-jewish-communities/812-religious-faith-and-observance-in-israel
Soos hierbo aangetoon, is dit ooglopend dat 89% (volgens Pew) fanatiese godsdienstige en fanaties polities is, veral mbt Sharia (godsdienstig) en Selfmoord-bombardeerders (polities). Joodse fanatisme (omtrent 17% van bogenoemde statistieke) is geensins vergelykbaar met die van die Palestyne nie.
Jou argument gaan oor misdaad teen die mensdom, en dit is waarop ek op gerespondeer het. Jy verkwalik dit dat net 30 Israelis vergeleke met meer as ‘n 1000 Palestyne gesneuwel het. Weens hierdie onbalans tot nadeel van die Palestyne in die dodetalle moet Israel nou kwansuis vir misdaad teen die mensdom aangehoor word?! Misdaad teen die mensdom deur die Palestynse owerhede en Mullahs (dominees) teenoor hul eie bevolking gepleeg, beloop baie meer as die 1000 deur Israel gedood. ‘n Doodse stilswye!
Met meer as 2000 vuurpy- aanvalle per dag van die Palestyne op die Jode oor die betrokke tydperk, kon hul dodetal heel erger gewees het, was dit nie vir die feit dat hulle teenmiddels daarvoor vooraf beplan het nie. Nee wat. Die Palestyne was die aanvanklike aggressor in hierdie geval. Hulle verdien wat hulle nou ondervind.
Weereens sê ek. Simpatie vir die Palestyne is misplaas.
Hallo,
Beste Wouter,
n Jaar of so gelede was daar 'n uitstekende artikel in die New York Review of Books aangaande 'n Joodse/ Israeli historikus wat die geskiedenis van die staat van Israel onder die vergrootglas ondersoek het. Die einde van die storie is dat hierdie historikus besluit het om die land permanent te verlaat, en dit vertel omtrent alles.
Jy is uitstekend in die uitsnuffel van artikels in publikasies, en dus sal jy ons lesers almal 'n groot guns doen om hierdie man op te spoor, en vir ons te kom vertel wat hy oor die saak te sê het. Soveel beter as die offisiële weergawes van Israeli geskiedenis, en die propaganda wat institusioneel in die Weste geword het.
Groete,
Pieter Redelinghuys
Sondag, 3 Augustus.
The United States declared Sunday it is appalled by the disgraceful shelling by Israel of a United Nations school sheltering some 3,000 displaced people in southern Gaza.
The U.S. condemnation follows one by U.N. Secretary General Ban Ki-moon who depicted the shelling near the Rafah school as both a moral outrage and a criminal act. It constituted a gross violation of international law.
Sedert die aanvangs van die brutale Israeli aanslag in Gaza is daar nou meer as 300 klein kinders dood, en die aanslag duur voort. Sedert 1967 en die vroeë jare sewentig toe Westerse simpatie vir Israel op sy hoogste was, begin die gevoel vandag meer verander na afsku.
Die land is nou ryp vir aanklag by die Internasionale Kriminele Hof ten den Haag.
Pieter Redelinghuys
Hallo,
Wouter, ek stel voor jy slaan ag op hierdie onderhoud deur Naomi: https://www.litnet.co.za/Article/wie-is-ek-deur-louis-awerbuck-en-lise-swart
Ek haal as volg daaruit aan: “Louis Awerbuck en Lise Swart se 'Wie is ek?'-reeks op RSG gee vir gewone mense kennis van algemene sielkundige kwessies, soos angsversteurings.”
“Wie is ek?” kan dalk net die antwoord wees op jou histerie gedurig op die werf en dalk die grys waan in jou lewe helder maak.
Pieter, ek voel gekomplimenteer om deur Wouter saam met jou op sy versteurde grys skaaltjie gedwing te word.
Jy moet maar daarvan vergeet om sy eie onderhewigheid en aan al sy desperaatheid om alles grys te maak, aan hom te verduidelik.
Dis tog duidelik dat Wouter baie moeite doen om sy bronne so te kies sodat dit sy grys manie as kamstig die waarheid bewys.
Wouter is egter nie die enigste met hul slimmigheid hier wat nie tussen berading en debat kan onderskei nie.
Desnieteenstaande, in antwoord op sy senuagtige insig heel onderaan sy onthutstheid hierbo, sal ek myself as volg van sy eng en kwaadwillige veronderstelling omtrent jou onderskei:
Westerse media = sleg (ons het gewis ooreenstemming hierin).
Israel = GOED.
VSA = sleg (natuurlik ook net hul leierskap en aan veral aan die “liberale” kant).
Godsdiens = GOED.
Palestina = SLEG (natuurlik ook net hul leierskap en aan veral Hamas).
Wie is ek? ... absoluut oortuig in my persoonlike ervaring in antwoord op hierdie vraag, die volgende omtrent myself – ek is 'n kind van God; ‘n man vir my vrou; ‘n pa vir my dogter; ‘n seun vir my ma; ‘n broer vir my suster en broers; ‘n vriend vir my vriende en vriendinne; konserwatief in my ideologiese denke; liberaal in my Godsdiensdenke; ‘n visterman; ‘n duiweboer ...
Daar is nog ‘n lang lys maar ek voel verseker nie in die grys van Wouter se mis vol vrees op enige vlak in my lewe vasgevang nie - ek leef volgens beginsel.
In Wouter se manie land hy ook byna altyd die een of ander kwaadwillige stelling teenoor diegene wie hy glo hy kwansuis reg is.
Intussen hoop ek wel jy sien self deur die propaganda wat jou vyandig tot Israel maak.
Mag Palestina nooit 'n Nelson Mandela oorkom en Israel nooit 'n FW de Klerk oorkom nie!
Namaste!
Hindoe-, Moslem-, Joodse, Boeddhistiese, Afrikaliefde en katolieke Boeregroete,
Cornelius Henn
Kennis geneem - geen kommentaar nie en volstaan met die verwysings gebruik in die vorige kommentaar.