Na aanleiding van die evolusioniste se uitsprake op Francois du Plessis se brief die volgende:
Wetenskap het evolusie bewys, dus feite het evolusie bewys, dus evolusie is waar? Dus omdat evolusie bewys is en Christene dit nie glo nie, glo Christene nie wetenskap nie is hulle irrasionele mense. REGTIG?
Evolusioniste beweer evolusie is waar omdat dinge verander.Lewe kom van nie-lewe en dan verander dit oor tyd in bv mense?
Dit is 'n onmoontlike bewering omdat dit gesien en bewys moet word met herhalings en ons dit met ons sintuie moet kan waarneem.Wetenskaplikes het bewys dat genetiese materiaal nie bygevoeg kan word nie, net verloor word.
Daar is geen sigbare proses waarby nuwe genetiese informasie bygevoeg kan word by 'n organisme se genetiese kode nie. Niks/geen.As geen nuwe informasie bygevoeg word nie hoe kan een organisme verander oor tyd in 'n hoër organisme? Hoe kan 'n amoeba verander na mens as geen inligting bygevoeg word nie?
Het julle opgelet dat die voorstellings in boeke kunstenaarsvoorstellings is, hulle teken die tussengangers in. Dit bestaan nêrens in die natuur nie, daar bestaan geen bewyse daarvoor nie, net in mense se denke. Oor miljoene jare het die aap na mens verander - net op kunstenaartekeninge. Wonderlike wetenskap dié. Feit is mense was nog altyd net mense en ape was ape.
Het jy al gehoor: "Miljoene jare gelede was daar 'n ontploffing in die ruimte en duisende jare gelede het dit of dat gebeur?" Vraag: was een van julle daar om dit te sien? Daar is 'n groot gat tussen wetenskap wat ek kan sien en bewys en historiese wetenskap wat op spekulasie gemaak is.
Die fossielekord spreek vir homself en bewys evolusie - Regtig? Die rekord praat nie self nie, maar word deur mense geïnterpreteer. Probleem is ons het dieselfde bewysstukke, maar ons verstaan dit deur die lens wat ons gebruik om daarna te kyk. Evolusioniste kyk deur die lens van miljoene jare en Christene deur die lens van die Bybel. So verstaan evolusioniste dat die fossiele oor miljoene jare vasgelê is en die Bybel se vloed bewys dat dit eensklaps gebeur het. My vraag: as iets sterf en volgens evolusie dan deur baie tyd bedek is met die volgende laag, hoe het dit behoue gebly totdat dit bedek was?
Radio-datering of isotoopdatering. Dit word gedoen deur bv 'n rots te neem en die isotope te tel. Uraan 238 (92) (Moeder) verander in lood 207 (82) (Dogter). Daar word aangeneem soos die rots afgekoel het, het die isotope "ontsnap" en dan stabiliseer dit, staan bekend as halfleeftyd. Dit kan bepaal word in ’n lab en so bepaal ons die ouderdom van die rots. Vraag: hoe weet ons hoeveel elemente was daar in moeder en dogter se elemente? Het die prosesse dieselfde gebly of was daar veranderings in die verlede? Hoe weet ons die vervaltempo was dieselfde in die verlede sedert rots gevorm was? Ons weet nie.
Kom ons vat 'n voorbeeld. Kom ons stap in ’n lab in en daar staan 'n uurglas op die tafel waarvan die sand uitloop met sand bo en onder. Ons kan nou meet en uitwerk hoe lank loop ons uurglas en wanneer is dit omgedraai deur observasie. Nee! Ons vergeet belangrike inligting. Was daar nie reeds sand onder in die glas toe dit omgedraai is nie? Was daar nie sand uitgehaal of bygevoeg nie? Het die sand altyd teen dieselfde tempo uitgeloop? Nee! Ons het nie gesien wat die oorspronklike toestand was nie, en ons het nie die sand die hele tyd dopgehou nie - ons maak afleidings.
Evolusioniste glo in evolusie (kan dit nie bewys).
Christene glo in die Bybel (kan dit bewys).
Hierdie debat gaan oor of jy die God van die Bybel glo of evolusie.
Groete
Louis
Kommentaar
Al sou alles geglo word, bly 'n primitiewe begrip van goedheid voortbestaan.
Louis,
Beste Louis Rudolph
Louis, vermoedelik is jy 'n vriend van Francois du Plessis en probeer jy nou om iets te red. Die meeste gelowiges verwerp die Sewendedag Adventiste se beskouings oor die Sabbat totaal. Ongelukkig is dit nie altyd waar nie, maar dit behoort ook vir julle skeppingsidees te geld.
Jou brief kan vinnig opgesom word: “Ek (Louis) glo wat ek glo en niemand sal my van iets anders oortuig nie!” Dit het gevolglik nie regtig sin om met jou in 'n debat betrokke te raak nie. Vanaf jou tweede paragraaf stel jy strooipoppe op en skiet hulle weer af. Wat van hierdie een: ek het 'n radio by die huis. Dit speel die hele dag. Opeens besef ek dat ek nie kan sien hoe dit werk nie! Die ding hou toe op om te speel!
Jou grootste strooipop is die een dat daar tussen evolusie en geloof gekies moet word. Dis nie waar nie! Talle wetenskaplikes kies die christelike geloof EN evolusie. Ek het voorheen breedvoerig hieroor geskryf: https://www.litnet.co.za/Article/evolusie-en-die-kerk.
Aan die einde beweer jy:
“Evolusioniste glo in evolusie (kan dit nie bewys).
Christene glo in die Bybel (kan dit bewys).”
Taalkundig sou ek verkies dat jy die dubbele ontkenning gebruik. Die feit is egter dat evolusie tot 'n groot mate bewysbaar is.
En geloof? Met groot rustigheid kan ek vir jou sê dat dit nie bewys kan word nie. Gevolglik word dit geloof genoem (“om te glo in dit wat jy nie kan sien nie”). Die Christen glo dat sy geloof eenmaal oorgaan in aanskoue.
Louis
Louis, ek beveel aan dat jy jou inligting oor die wetenskap kry in ander bronne as kreasionistiese webwerwe. Ek is deesdae nie eers meer lus om die tipe twakkerasies wat jy hierbo kwytraak punt vir punt te weerlê nie; dit is alles vrylik op die web beskikbaar vir enigeen wat belangstel.
Angus
Ek as onkundige leek in ewolusie, vind jou bydraes daaroor beide insiggewend asook leersaam. Dankie daarvoor.