Litnet

Ek hoor vandag op Loslip oor die draadloos dat die gesprek gaan oor die senior boer, Jan, wat met die dames kortaf was. Ek het toevallig die program gekyk. Ek het die program gemis waar die een dame sou geseg het sy gaan nie dit of dat op die plaas doen nie. Nodeloos om te seg dat sy nie op die plaas uitgekom het nie.

Ek wil nie sê dat Jan reg of verkeerd was nie. Volgens my het hy sy standpunt ferm dog beskaafd oorgedra. Daar sou dan geen misverstand daarna wees oor sekere moets en moenies nie.

Ek het die Neiderlandse Boer zoekt een vrou gekijk. Een ding wat my opval is dat die dollas in Neiderland nie op die plase gekuier het nie. Daardie dollas het gewerk, soos in gewerk. Geen pieknieke, partytjies en "quadbike"-uitstappies nie. Een program wat ek nooit sal vergeet nie. Die een dolla het met waterstewels en oorpak in die koeistal gestaan en die beesmis optel en skoonmaak. Goed mens moet appels met appels vergelyk. Hul omstandighede is verskillend van ons, maar op die plaas rondtrippel met opgeklitste hare tot 'n ligte sousie, en skerppunt skoentjies en heuphang-denims was daar nie sprake nie. Ek het van daardie dames jammer gekry. Ek dink van daardie Neiderlandse boere was onredelik en hard, maar so is die lewe maar. Hulle het saam met die boer opgestaan en begin werk. Nie in die kamers rondgehang en eers "war paint" of polifilla aansmeer nie.

 My ma het gewoonlik die bees, vark of skaap bewerk as dit slagtyd was. Sy het my geleer hoe om die regte snitte te maak. Daar is seker jong dames wat dit kan doen, maar die poppe van die dorp/stad gaan dit nie maak nie.

Volgens die program dink ek ons dames is bevoorreg/bederf. Daar is mos nie meer diskriminasie teen vrouens nie. Hulle wil mos op gelyke voet hanteer word.

So as jy nie saam met die groot honde kan loop nie, sit jy op die stoep.

Staan sterk Jan. Op daai plaas is jy baas. 'n Plaas kan nie met meer as een baas nie.

Reusedwerg