Bekkie Tjank, lat Caster moet bedank!

  • 0

Ek wonner of dit innie sterre geskryf was dat die houvas op ’n vrou van kleur se lyf dan nou soe groot oepgevlek sal wôd in Mei. Eeste wassit mos nou die kallid vroumense en hulle arme cognitive fuctions wat soe moes ontbloot wôd. Maa nou ja, what do you expect? vra Antie Sandra. En nou is dit wee Caster Semenya.

Maa ek dink dié is soeveel dieper dan net se vroue van kleur, maa die gat nog dieper.

Nou waamie ek rêrig sukkel, issie feit dat dit lyk of die hele ding gat oorie feit dat ’n wit vrou gehuil het nadat sy gevoel het dat ’n vrou van kleur haa beat, soe daa moet iets vekeerd wies met daai vrou van kleur.

As ’n internasionale institusie kan sê dat ’n vrou van kleur moet haa natuurlike liggaam anpas met dwelms soedat sy kan saam met anner vroumense haloep ... Maa hoekô dan nou net rêrig ’n vrou wat soe behandel wôd, en dit nog ’n vrou van kleur?

Caster Semenya kon in laas jaa nie Zola Budd se rekord innie 1500 m briekie, sy kon oek nog steedsie die wêreldrekord wat deu Jarmila Kratochvílová innie 800 m opgesit was in 1983 afhaalie. Maa volgens die IAAF is Caster Semenya te vinnig om tien vroumense te haloep. ’n Vroumens is te vining om tien anner vroumense te haloep? Ja, haa testosteroonvlakke mag miskien hoër wies assie anner vroumense sinne, maa gat testosteroonvlakke rêrig oo man of vrou wies? En wie het soe gesê?

’n Mens moet dan wonne maa wat issie eintlike riede virrie IAAF se houding of standpunt?

Innie case van Jarmila Kratochvílová haa rekord staan nog steeds, en as mense daai foto net soe kyk, dan is dit net pure man, wan volgens onse slim mense is man mos gespierd, en vinnig, en vrou is fyn en min en dun, en kan net sóé vinnig haloep.

Hoekô issit soe maklik vi vroumense van kleur om soe gou angevat te wôd deu die patriargie? Hoekô issit soe maklik vi ’n vrou wattie haaself innie “vrou van kleur”-boksie sittie, om by dit te staan?

Ek wil trug draai na my vroeëre punt toe, en oek vra soes baie vra: Maa gie daai ekstra testosteroon dan vi Caster ekstra spoed by? Wan as dit soe gewies het, hoekô het sy dan nie al lankal Zola Budd se 1500 m-rekord afgehaalie?

In ’n artikel wat veskyn innie New York Times vra die skrywer maa wat is testosteroon, en sy veduidelik van die feit dat mans en vroumense dit vevaardig, maa sê oek dan innie selle asem dat vroumense nie soe baie soes mansmense vevaardigie.

Trug toe ek nog Gender Studies 101 gedoen het, het ek gelee van hoe different geslagte veskillend gehanteer wôd van voo geboorte af tot ôs se hele liewe lank. En nou wonner ek maa watse toetse het hulle dan nou gedoen om te kan sê maa mansmense en vroumense veskil? En hoekô issit soe oukei dat vroue van kleins af soe anners getreat wôd as mans? Hoekô is dit reg?

En wie’t gesê dat testosteroon is waa die veskil tussen vrou en man is? Ek mien hoekô moet daa sulke bokse wies? Hoeveel vroumense ken djy nie wat stewig staan met baard, en hare oppie rug, offie maag, of bosse hare oppie biene nie? Ek sê nie dis die ienigste tieken van testosteroonvlakke nie. Wat ek bedoel is, as kinners van kleins af dan veskillend getreat wôd, influence dit dan nie oekie hoeveelheid testosteroon wat vroumense en mansmense vevaardigie?

Die IAAF is vol bollie. Hulle volg maa net die discourse wat afspeel om die vroumense van kleur, en oek die discourse wat afspeel om vroumense. Ôs moet beginte diepere vrae vra oo biologie en geslagte, en hoe en wat dit is. En hoekô moet dit daa wies? Is dit reg lat djy jou meisiekind annerste grootmaak as jou seun? Die goed is soe toegegroei onner ôs kultuur dat dit gesien wôd as natuurlik, maa dit issie.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top