Soos ’n beeld staan hy daar,
Met sy armoedige figuur.
Soos die noodlot,
Hom na verskillende punte toe stuur.
Op hul vrygewigheid,
Maak hy staat.
Alle hoop,
Het hom verlaat.
Sommige gee woorde,
Ander geld of kos.
Niemand gewillig,
Om hom uit sy situasie te verlos.
Sy lewe,
Is ’n daaglikse gesukkel.
Moeilik om homself,
Uit die situasie te wikkel.
Bedelaar,
Met sy bed staan hy daar.
Vanaand gaan hy slaap,
In koue en gevaar.