Baai baai, Bo-Kaap

  • 3

Niks diggerloaders die kee'
Ma' wel manne met diep sakke. 
Die mense vannie Woodstock 
Moet waai. 
Die mense vannie Bo-Kaap
Moet waai. 
Pak jou klere en bondel jou kin'es, 
Ma' lossie memories
En jou hele liewe, 
want daar'sie ‘n suitcase groot genoeg vi' daai.
En die man mettie gel' innie sak praat van gentrification. 
Soe julle moet plek maak vir overseas mense 
wie kom op vacation. 
En vat ma' somme jou hond oek saam. 
Los nou die gegroetery, 
djy kan uit'ie taxi skrie, Salaam. 
Die price tag is te hoeg. 
Gel' koep alles, including ‘n liewe-lange geswoeg 
Agte' n naaimasjien by Rex Trueform en true to form
Drai'ie gowerment sy rug. 
Nieman' het jou geforsie,
Om ‘n kruisie te trek is jou plig. 
Ma' nou moet djy spat, 
becaus'ie hipsters en yupsters is amal op pad. 
But we won't leave you stranded
We will relocate you to another planet
Da' annikant die duine. 
Nie, o's needie dai nie
Vat saam jou go'dyne. 
Wag da skrie die gaatjie nou. 
Your time is again up, off you go.

  • 3

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top