Litnet

Wietske Boon is ’n navorser, studieleier, outeur en spesialisberader in die veld van vroeëkindontwikkeling. Sy het haar honneursgraad in sielkunde aan die Universiteit van Pretoria voltooi en ’n meestersgraad in spelterapie aan die Universiteit van Suid-Afrika. Ná meer as tien jaar se werk in die veld van spelterapie en vroeëkindontwikkeling, voltooi sy ’n PhD in vroeë kinderonderwys aan die Universiteit van Pretoria. Haar navorsingstema fokus op die taal van onderrig tydens die voorskoolse jare. Uit haar navorsing publiseer sy ook ’n boek getiteld Meertalige kleuterskoolomgewings: Sosiale en emosionele ontwikkeling. Sy is tans besig met haar postdoktorale studie, binne die Departement Opvoedkundige Sielkunde aan die Universiteit van Pretoria, wat gerig is op vroeë kinderonderwysdosente se professionalisme met fokus op waardes en persepsies, in konteks van Agenda 2030 en die doelwitte vir volhoubare ontwikkeling. Hierdie studie vorm deel van die Teach4Reach-projek wat ’n samewerkende studie tussen die universiteite van Innsbruck, Wene en Pretoria is.