Suné Kitshoff
Suné Kitshoff is in 1973 in 'n klooster in Durban gebore. Deesdae woon sy in Kaapstad waar sy as tolkkoördineerder by die Parlement werk. Sy’t 'n M-graad in konflikstudie en wêreldpolitiek van die Nelson Mandela Metropool-universiteit, so vir slyp en skaaf doen sy vryskutnavorsing oor die sosiopolitieke dinge wat konflik die alledaagse maak. Sy glo die wêreld se antwoorde – op alles – lê opgesluit in Afrika. Sy skryf in Afrikaans want haar psychic het gesê sy moet.
