Litnet

Servaas van der Berg is buitengewone professor in ekonomie aan die Universiteit Stellenbosch en beklee die Nasionale Navorsingstigting se Suid-Afrikaanse leerstoel in die Ekonomie van Sosiale Beleid. Hy lei die navorsingsgroep Resep (Research on Socio-Economic Policy), wat navorsing doen oor ’n wye verskeidenheid velde wat te doen het met armoede en ongelykheid, en beleid wat gerig is daarop om dit te verminder. Dit geld onder andere vir onderwys, gesondheid, maatskaplike toelaes, die arbeidsmark, en fiskale besteding. Hy lewer beleidsadvies vir verskeie nasionale en provinsiale departemente en doen ook heelwat navorsing in ander lande van Suider-Afrika, met finansiële ondersteuning van instansies soos die Wêreldbank en Unicef (die Verenigde Nasies se Kinderfonds).