Pepler Head
Pepler Head het in 2011 sy meestersgraad in Afrikaans en Nederlands by die Universiteit van Kaapstad aangepak. Hy het navorsing begin doen oor tyd as struktuurelement in speur- en misdaadfiksie. Hy het onder leiding van Etienne van Heerden in 2013 sy meestersgraad voltooi. Gedurende sy nagraadse studies het hy ook by die universiteit klas gegee. Hy kan tans tussen die rakke van die Universiteit van Kaapstad se biblioteek opgespoor word, waar hy werk as deel van die biblioteek se aflosspan.
