Maret Blom de Wet
Maret Blom de Wet is ’n junior lektor in Taalpraktyk en Afrikaanse Taalkunde aan die Universiteit Stellenbosch se Departement Afrikaans en Nederlands. Sy is ook koördineerder van die kortkursusse in Taalpraktyk en Nederlands, asook mede-aanbieder van die kort- en semesterkursus in akademiese redigering aan hierdie departement. Maret het ’n BA Honneurs- en Meestersgraad in Afrikaans en Nederlands met ’n fokus op redigering en leksikografie voltooi. In hierdie studies het sy ’n woordeboekprojek uitgevoer om ’n Afrikaanse aanlyn akademiese redigeerwoordeboek saam te stel, wat daarop gemik is om die werk van akademiese redigeerders te vergemaklik en om konsekwentheid en etiese redigering van Afrikaanse akademiese tekste te verseker (sien Blom 2020 en Blom de Wet 2022). Maret werk tans aan ’n PhD in Vertaling waarin sy die akademiese redigeerder as akteur binne die netwerk van akademiese redigering aan hoëronderwysinstellings in Suid-Afrika ondersoek. In haar lesings en navorsing is sy daartoe verbind om die veld van redigering te bevorder deur praktiese hulpbronne, etiese opleiding en diepteverkennings van die redigeerder se rol en interaksies binne die redigeernetwerk.
The online dictionary-using skills and problems of editing students regarding a prototype academic editing dictionary
2024-10-02"These prerequisites and standards therefore make it clear that editors are expected to have good online dictionary-using skills, as well as knowledge about different types of dictionaries, including their structure, functions and use during the editing process."
Die aanlynwoordeboekgebruiksvaardighede en -probleme van redigeerstudente ten opsigte van ’n prototipe- akademiese redigeerwoordeboek
2024-10-02"Hierdie voorvereistes en standaarde maak dit dus duidelik dat daar van redigeerders verwag word om goeie aanlynwoordeboekgebruiksvaardighede te hê, asook kennis oor verskillende soorte woordeboeke, insluitend die struktuur, funksies en gebruik daarvan tydens die redigeerproses."
Jong US-dosent se visie van ’n aanlyn akademiese redigeerwoordeboek
2022-02-09Maret Blom de Wet, ’n junior lektor in die Universiteit Stellenbosch se Departement Afrikaans en Nederlands, vertel van haar navorsing oor die bruikbaarheid van ’n prototipe- aanlyn Afrikaanse akademiese redigeerwoordeboek.