Litnet

Lizabé Lambrechts werk tans as die uitvoerende bestuurder van Nuuseum, ’n maatskappy sonder winsbejag wat dit ten doel het om kultuurerfenis te bewaar en op ’n aanlyn platform toeganklik te maak. Sy het ’n agtergrond in musikologie en het gedurende die laaste dekade een van die grootse populêre musiekversamelings in Suid-Afrika – die Hidden Years Musiekargief – by Stellenbosch Universiteit byeengebring. Sy was grootliks verantwoordelik vir die befondsing, bestuur en beskikbaarstelling van die argief aan die publiek. Sy is buitengewone medeprofessor aan die Africa Open Instituut (AOI), waar sy deel is van ’n multinasionale navorsingsprojek getiteld “Decay without mourning: future-thinking heritage practices”.