Dina Botha
Dina Botha is ’n bekroonde liefdesverhaalskrywer, gebore en getoë in Pretoria. Reeds as tiener het sy ’n voorliefde vir lees ontwikkel, maar nooit die moontlikheid om formeel te skryf, beproef nie. In 2006 word haar eerste Romanza, In ruil vir ’n hart, gepubliseer en daarmee vervul sy op 42 een van haar groot hartsbegeertes, naamlik om te skryf. In 2013 is sy met ’n ATKV-Woordveertjie vereer vir haar Romanza Boks vol soentjies. In 2018 doen sy dit weer met haar Romanza Alles is perfek en in 2020 kry sy nog ’n ATKV-Woordveertjie vir Halsoorkop verlief. Met meer as 70 boeke agter haar naam, is sy een van die topverkopers in die mark. Sy woon tans in Centurion saam met haar man, Louwrens, haar seun Louwrens junior en drie dogters Anri, Ziske en Karlin, skoonseun Johan en suster Zanie.
ATKV-Woordveertjiewenner Dina Botha: ’n Gesprek
2020-11-09"My uitgewer het al ’n manuskrip teruggestuur omdat sy nie op die held verlief kon raak nie. Daar het jy dit. Almal moet op die held verlief raak. Van skrywer tot leser."