Litnet

Chris Opperman is tans ’n operasionele vennoot vir Afrika en die Midde-Ooste vir C5 Capital, ’n waagkapitaalfirma wat in Washington en in Londen gebaseer is. C5 Capital bevorder beleggingsgeleenthede in kernkragtegnologie, die ruimte, en kuberveiligheid.

Chris spesialiseer in internasionale verhoudinge en het voorheen gedien as diplomaat in die Suid-Afrikaanse ambassade in Washington, en ook in Dar es Salaam, Tanzanië. Hy het daarna ’n loopbaan gebou deur verskeie maatskappye te ontwikkel, onder andere die eerste medieseversekeringsmaatskappy in Oos-Afrika. Hy het beleggings bevorder in Seacom, ’n maatskappy wat die eerste ondersese optieseveselkabel om die Oos-Afrika-kuslyn van Afrika bou, en het daarna ’n olie-en-gas-eksplorasie-maatskappy in Tanzanië tot stand gebring.

Chris wil nouer samewerking tussen Afrikalande bevorder, asook tussen gemeenskappe, en het die Afrikaner-Afrika-Inisiatief begin wat oor die afgelope nege jaar fokus op dialoog en beter verhoudinge tussen die Afrikanergemeenskap en ander gemeenskappe in Suid-Afrika.