Carina Venter

Carina Venter is in 1985 in Bethlehem gebore. Sy kry haar skool- en voorgraadse opleiding in Pretoria. In 2007 verwerf sy die graad BMus met spesialisasie in tjello-uitvoering (onder leiding van Magdalena Roux), musiekgeskiedenis (onder leiding van Chris Walton) en kamermusiek aan die Universiteit van Pretoria. Sy tree as solis saam met verskeie gevestigde orkeste in Suid-Afrika op. Sy neem aan ’n aantal landswye musiekkompetisies deel en word in 2006 eerste geplaas in die strykerskategorie van die ATKV Muziq-kompetisie. In 2009 voltooi sy ’n meestersgraad in musikologie aan die Universiteit Stellenbosch onder leiding van Stephanus Muller en ontvang ’n Rhodes-beurs om haar studie aan die Universiteit van Oxford voort te sit. In 2010 voltooi sy die MSt (Master of Studies) in musikologie aan Oxford en Christ Church onder leiding van Jonathan Cross. Tans is sy besig met ’n doktorsgraad aan dieselfde instelling onder die leiding van Daniel Grimley.

 

Opgedateer/Updated: 2011-12-09

Bio-inligting verouderd? Stuur 'n e-pos aan bio@litnet.co.za 
Bio-info dated? Send an e-mail to bio@litnet.co.za

Top