Andréa Müller
Andréa Müller is ’n MA-kandidaat aan die Universiteit Stellenbosch se Departement Afrikaans en Nederlands. Haar navorsing fokus op die beeldvorming, resepsie en kanonisering van kontemporêre jong swart/bruin Afrikaanse digters se werk, en die literêr-kritiese diskoerse wat daaruit spruit. Sy is ook as skrywer en sosiale media-koördineerder op die redaksie van die onafhanklike Afrikaanse webjoernaal Klyntji.com.
USAN-kongres 2024: ’n onderhoud met Andréa Müller
2024-02-26"My spesifieke onderwerp is geïnspireer deur die dinamika wat ek tussen sogenaamde bruin Afrikaanse digters en die literêre establishment oplet. Die opbloei in uitstekende debute én opvolgbundels deur hierdie digters is opwindend, en beslis ’n aanduiding van ’n literêre sisteem wat evolueer."