Asblikdag
Vergeet my maar, vergeet my
Ek sal maar staan hier soos die vullis
Wat nou al 'n derde keer in 'n ry
op asblik dag vergeet is
Steek my net 'n bietjie dieper weg
en noem my naam vir niemand
Dis nou nie my skuld dat ek hier is nie
dan wag ek maar vir iemand
Dan sak die son
en die hitte kwyn
Soos die klein bietjie hoop
wat jou nog huis toe moet ry
Maak oop jou oë
Jy sien niks so nie
Dis romantiese stories
wat jou siel vermoor
Kry eerder seer
as wat jy sit en glo
As ek my kop wegdraai
dan hou dit alles op gebeur
Teken in op LitNet se gratis weeklikse nuusbrief. | Sign up for LitNet's free weekly newsletter.