As ek so struikel

  • 1

Foto: Canva.com

As ek so struikel

As ek so struikel 
tussen leë woorde 
tussen oorvol gevoelens 
langs my weggesteekte wete

oor die lief en die leed 
die amper vergeet 
van my naam 
my skaam struikel 
na die genadetroon

oor verlore gedagtes 
wat die klagtes opstapel 
tog struikelend voortval 
in genade se wasem in

’n asem wat maar vlak sit 
in die diep stink graf 
van skuldbelaaide klagtes 
wat in die nag uitkom 
as die slaap ook struikel

dan kom kla woorde oordeel 
beskuldig my links en regs 
terwyl engele ore toedruk 
anders struikel hulle ook.

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top