Litnet

Ek dink Jan Rap gaan vir my vies wees. Ek is 'n aanhanger van hom.

Ek het iets bespeur die laaste tyd: Met Boer Soek ’n Vrou voel dit vir my of Afrikaners (jongeres) nou in totaliteit ’n spraakgebrek het. Hulle is almal skaam om Afrikaans te wees – gooi ontsettend baie Engelse sinsnedes tussen hulle gepratery, en die Engels klink ook nie reg nie. Dit is baie baie tragies. Ek dink ons klink so bietjie agterlik.

Ons loop nou die dag in die gange van ’n universiteit en ek hoor ’n swart meisie perfek Engels praat agter ons en ek dink, SY praat sowaar ’n wonderlike Engels al is dit met ’n diepe swart aksent. Ek draai om en waaragtig dis ’n Afrikaanse blonde kind wat so praat. Sy kom uit ’n privaatskool (het haar bietjie uitgevra – nou nie gemaak asof haar aksent my interesseer nie). Ek dink net, as ek eendag kleinkinders het, sal ek bly wees as hulle van graad 1 af na ’n private ENGELSE skool gaan waar daar nog van die ou “Lion’s Club” tipe mense onderwysers is, sodat hulle daai taal heeltemal magtig sal wees en maklik deur die universiteit sal kom.

Ek moet wonder HOEKOM Ds S J du Toit-hulle ’n nuwe taal wou begin as daar ’n ou goed-ontwikkelde taal vir hulle was. Hulle kon Frans of Nederlands of wat ook al besig. Ek verstaan nie waarom ’n nuwe taal geskep moes word nie.

Die ding KOS hulle nasate.

Die wêreld is in ’n gruwelike gemors.

Ons is gevoeter toe ons nie op aandag staan vir die vlag of die Stem nie. Dit is as ’n godsdiens by ons ingedring deur omies met wit hemde en swart pakke.

Jy’s ’n kind en jy glo hierdie simbole is uiters goed vir jou. Jy voel geborge want jou ouers sê dit vir jou.
Dan kom 1994 en ons moet nou weer op aandag staan en dit vir ’n nuwe vlag en lied. DIT sal ’n dag wees.

Met simbole is ek KLAAR. Ek glo NIKS meer nie (net die Bybel en wat daarin staan – nie kerk of organisasie nie).
Die lewe is te kort om jouself so heelhuids aan ’n simbool te loop verkoop.

My suster moes in NZ aan die Koningin van Engeland gaan trou sweer, dus is dit nou haar derde keer van trou sweer. My HEL dit kan tog nie wees nie?

NOOIT weer nie. Ek lees nou verskriklike getuienis oor 911 en Sandy Hook (deur sowaar wetenskaplikes) en nooit weer glo ek ’n ding op die nuus of deur ’n politikus nie.

KLAAR daarmee. Kyk julle almal mooi na julself want niemand gaan dit vir julle doen nie. Kyk na julle mans, vroue, kinders, oumas en oupas. Hou mekaar bymekaar en gee genade aan die vreemdeling. Verder as dit voel my brein ingedoen.

SOO jammer.