Abstrak
Vers 1
Vleuels, veels te veel
Niks wat ek die kunstenaar kan steel
Mooi, môre, myne
Obstruksie tussen gekleurde lyne
Vasgevang in skewe hande
Senuwees hang aan die rante
Koor
Abstrakte obstruksie geskep deur
’n Emosionele infeksie
Reënboë lae oor blink mooi
Trane, joune … myne?
Grysloos die dans
Die man groen in sy gees
Die abstrakte rooi te vrees
Vers 2
Gesig, gesang, vasgevang
Alles wat jy, die skepping kan wees
Probleme, oplossings, pyne?
Gesny uit hout op lap geverf
Die vloei van water
’n Vuur vol hoop vernuf
Koor
Abstrakte obstruksie geskep deur
’n Emosionele infeksie
Reënboë lae oor blink mooi
Trane, joune … myne?
Grysloos die dans
Die man groen in sy gees
Die abstrakte rooi te vrees
Einde
Ons leef alleen, saam in die wêreld
Elke druppel verf ’n abstrakte pêrel
Ek hou van my, ek hou van ons
Dit wat blou was, skyn nou brons
 |
 |
 |