Litnet

Dit was Oester se response op Reusedwerg se brief “Nog Volksmoorde”. Sy gesonde raad was om ’n geleentheid in elke negatiewe, swak en dreigende situasie te soek vir eie gewin om jouself daardeur te verryk. Wat was, was, en kan daar niks aan gedoen word nie. ’n Steriele gejaag na wind indien om oor vorige foute en verliese gedurig te sanik, en oor te treur.

Hier op die Net het ons ’n handjievol skrywers wat dit hulle enkele taak gemaak het om tot vervelens toe te skrywe oor die onreg van die konsentrasiekampe. Hulle wil die Engelse oorlog weer van vooraf beveg. Die verandering in regime van Apartheid na Demokrasie wil hulle van vooraf bestry, en die Afrikaner “saamlopers” daarmee wil hulle vir ewig als volksverraaiers ettikeer. Die naamsverandering is nou ’n fait accompi maar hulle heul voorts asof daar nog iets daaraan gedoen kan word. Daar word deur hierdie Afrikaners beledigende kak oor mede Afrikaners geskrywe; dat hulle Zombies is, hulle word ook as slapgatte beskrywe en dat hulle hulle knie vir hul nuwe heersers buig omrede hulle niks omtrent die situasie kan doen nie. Hierdie einste skrywers wat ’n hoogwaardige houding teenoor hulle mede volksgenote inneem, kritiseer hulle aanhoudend sonder om self enige aanvaarbare oplossing aan te bied nie.

Daar word geskryf dat Afrikaans en die Afrikaner sal nie kan voortbestaan sonder ’n eie grondgebied nie, dat Afrikaans word vervrot met Engels en dat die media, radio en TV daarvoor verantwoordelik is. ’n Amperse beserke aanval op Afrikaner-besighede wat nie hulle produkte in Afrikaans ook adverteer nie; ens. ens. Die mees patetiese stelling wat ek tot dusver op die Net gesien het, is ’n kneghouding van “dankie dat daar nog manne soos Dan Roodt is”, ’n Afrikaner wat homself as “vryheidsvegte” wil omskrywe, wat eerder in Engelse “snobhill” as tussen sy eie volksgenote wil woon. ’n Man wat niks daadwerkliks vir sy volksgenote kan bewys nie behalwe warm wind vanuit sy mond en pen. Terwyl mede Afrikaners op die grens gesneuwel het, na Parys gevlug om diensplig te ontduik. Hoe pateties!! En die betrokke person wil he dat die Afrikaner moet lepel gevoer word en deur Dan Roodt!!! Hy behoort sy kop te laat lees!!

Die feite is: Afrikaners maak aanpassings met die huidige omstandighede om te oorlewe, beide als indiwidue en terselfdetyd as Afrikaners. Afrikaans en die Afrikaner sal daadwerklik ondergaan indien hy homself nie by sy aanhoudende veranderende omstandighede kan aanpas nie.

Die taal verander soos wat ander tale vanaf Middeleeus tot die hede verander het. Die Engels van Shakespeare is vandag vir die modern Engelsman amper nie meer verstaanbaar nie. Bv. die woorde; thee, thy, hast, thou, begetest, ens. word glad nie meer gebruik nie. Die woord “let” wat voorheen nie toelaatbaar beteken het (Afrikaans = belet), het nou die teenoorgestelde betekenins van toelaatbaar geword. Dieselfde is in die proses om met Afrikaans te gebeur. Net soos wat die verandering in die taal geensins aan die karakter van die Engelsman verander het nie, so ook dieselfde met die Afrikaner. Hierdie “nitpicking” oor woorde of Engelse gebruike in Afrikaans, is geensins tot stigting van beide die taal en die Afrikaner nie. Die Afrikaner het vandag nie wetgewing, soos in die verlede, nodig om sy voortbestaan te verskans nie. Dieselfde geld vir Tamil en Gurjarat, die tale van die Indiese volke hier in S.A. wat nooit ooit als amptelike tale erken was nie, tog steeds vandag onderling met hulle in gebruik bly.

Afrikaners is al hoe meer sigbaarwordend in die sakewereld, op die sportvelde en sy bydraes tot die nuwe SA. Al hoe meer Afrikaners maak dik geld, baie van hulle meer als voor 1994. Die verliese aan werk op die myne, in die openbare sector, banke en in winkels (voorheen deur wetgewing vir die Afrikaner verskans), het die Afrikaner genoodsaak om entrepreneurs te word, en die doen hulle heel suksesvol. Neem ’n boot vanaf die Barrage op die Vaalrivier tot anderkant Vereeniging, en sien die prag paleise van biljoeners in ’n ry langs die rivier, 90% Afrikaner besetting. Kyk net na jou rykmansgebiede in Pretoria! Hulle beslaan meer grondgebied as jou Danville en Wes Pretoriaanse voorstede waar werkersklas Afrikaners woon. Die werklose Afrikaner, persentasiegewys, bly steeds skrander vergeleke met die van die bevoorregte rasse van hierdie land. In Vanderbijlpark waar ek woon als voorbeeld. Duisende Afrikaner werkers is sedert 1994 van Mittal (voorheen YSKOR) afgedank of op vroer pension geplaas. Meeste van hulle vandag is onafhanklike entrepreneurs met hulle eie besighede, wat kontrakwerk aan Mittal verskaf, met meer inkomste en materiele luuksheid as voorheen.

Neewat. Die Afrikaner en sy taal se toekoms is vir my ooglopend heel rooskleurig vir die voorsienbare toekoms, selfs sonder eie grondgebied en sonder enige wetlike verskansing.

Jaco Fourie