te taal vir woorde
in hierdie moertaal van ons
is al die lyding van geboorte
en al die tyding van polsende lewe
plus die voleinding van afsterwe,
akkuraat ingeskrywe:
hiërogliewe teen die mure
van jong polsende harte,
strofes in die sappige taaiheid
van bejaardes se stugge grysstof;
in hierdie Germaanse taal uit Afrika
ets die beeldskoonste liefdesverhale
van stoere nomadiese landbouers,
soekende siele ~ vry soos pluimsaad
in ’n warm westewind...