Litnet

Jy skryf:

 “Die heiden sê jy lewe reg”.   Jy maak ’n groot fout.  Die oorgrote meerderheid heidene, (in jou raamwerk = non Christene, en ander Christene wat nie jou siening huldig nie) keur homoseksualiteit ewe af indien nie meerso als die Christene nie, selfs multi-afgodedienaars soos die Hindu’s.  Homoseksualiteit is so onlangs as maar net 5 jr gelede in Indie gedekriminaliseerd.  En wees verseker, die Indiërs het sodanige “hoe moraliteit” dat hulle gereeld “honour killings” pleeg, nieteenstaande dekrimalisering, waardeur ’n familielid die betrokke person vermoor wat sou oneer aan die familie gebring het.  Die afgelope jaar in Istanbul Turkye, het ’n vader sy seun doodgeskiet (honour killing) omrede die homself as gay verklaar het. Dan het jy ook jou bekende Afrika-voorbeelde, veral met betrekking tot Lesbiërs wat hulle wil reinig  deur middel van bende-verkragting, met die daaropvolgende gruwelike vagina-verminking en dood.”

“G_d sê jy lewe verkeerd”.   Wie se God?  Joune? Die Arabier s’n? Lord Krishna die hoofgod van die Hindu’s s’n?  Elkeen mensgemaak met ’n eie gevolg wat reken hy is die enigste god, en dat sy volgelinge die ander moet uitmoor.  Jood vs Islam in Palestina; Hindu vs Islam in Pakistan en Indie; tot redelik onlangs, Katoliek vs Protestant in Ierland;  ens.

“Jy glo nie aan G_d nie”.  Net soos gelowiges van die verskillende godsdienste redes het hoekom hulle in hulle betrokke god glo en nie  in ’n ander s’n nie, so ook het ek my redes hoekom ek glad nie in enige god, engele, duiwel/s en geestes glo nie, welke redes ek by herhaling in vorige briewe genoem het, en wat ek hier nie wil herhaal nie.  Net soos ek geen lewe gehad het sedert die aanvang van tyd  voor ek gebore was nie, so ook sal ek geen bestaan na my dood ervaar tot in die nimmereindigende toekoms nie.

“So wat is jou probleem, maak soos jy lus kry en geniet jouself gate uit” Die probleem is nie myne nie, blykbaar is ek vir jou ’n probleem, en daarop sê ek “tough shit”.  En ja, ek geniet my lewe gate uit.  Alles wat ek doen vir my eie plesier doen ek wettig in terme van ons konstitusie, ek dwing myself nie op ander af nie. Alles geskied tussen “consenting” volwassenes.  En wanneer ons twee eendag oud en afgeleef is, weet ek gaan ek met soete herinneringe aan my sekslewe terugdink met nostalgie. Ek twyfel sterk dat jy dieselfde vir jouself sal kan sê.  So baie werklike potente mans is vandag impotent as gevolg van hulle godsdienswroeginge met hulle sekslewe.

“Of is daar iets iewers in jou agterkop wat nie meer so lekker sin maak nie”?  Is dit in jou Christelike geaardheid om ongevraagd beledigend te wees? Met betrekking tot hierdie stelling van jou, laat ek dit aan jou eie gevolgtrekking oor, welke gevolgtrekking jou eie kwelling bly. 

“Sê my. onder watter omstandighede sou jy aanvaar dat die Bybel die woord van G_d is??????    

Die Bybel-se God sê hy is onfeilbaar, hy verander nie.  Die realiteit!  Hy weerspreek homself gereeld in die Bybel. Voorbeelde:  Geen eunuchs in die Tempel nie,  later is hulle nou skielik in die Tempel welkom (Jesajah).  Kinders moet besny word.  ’n “Mind change”, dis nie meer nodig nie.  Veelwywery word aanvanklik toelaat.  Nee dis ’n fout, een vrou vir een man.  Sekere kosse mag nie geëet word nie.  O’ nee, dit word herroep, alles mag nou geëet word.   In die Ou Testament is hy die ene jaloerse wraaksugtige god; in die Nuwe Testament is hy die ene “liefde” Ens. Ens.  Nou vra ek jou.  Wie het nou eintlik ’n skroef los?  So my ooglopende antwoord op jou vraag is dat onder geen omstandighede sal ek aanvaar dat die Bybel enige god se woord is nie.  Dit bly ’n menslike versinsel.

Hoe sou jy wou hê G_d se woord moet die mens bereik? Kan jy aan 'n beter manier as deur Moshe en die profete dink”?

Indien daar ’n god is, die eenvoudigste manier om die mensdom vandag te bereik is om homself vir die hele wêreld ten toon te stel.  Hack into the human communications network especially TV, as simple as that. Wanneer Obama of die Koningin praat, sien die hele wêreld hulle op TV.  Daar’s geen twyfel wie hulle is nie.  Dit sou die eenvoudigste manier wees om die wêreld te oortuig vir watter god hulle moet aanbid.  Maar dit lyk vir my hy ken net ou-tydse tegnologie soos toe hy Elia met  ’n wa (chariot) hemel toe geneem het!   Maar ja.  Gerieflikswys gaan gesê word hy gaan homself ten toon stel met die wederkoms, en dan te laat om ongelowiges te oortuig.

Ek is nie eers oortuig dat jy, Kobus, en Cornelius, elkeen dieselfde god dien nie, want julle oortuigings blyk heel verskillend onderling te wees, en dan verwag jy van my ek moet ’n god dien. Ag, nee dankie!

Jaco Fourie