22 Jaar
Vir twee en twintig jaar loop elk ons eie pad
met liefde en met stryd
In heerlike voorspoed en bittere teëspoed
loop ons lewens wyd en syd
Liefmens, ek voel jou in my oë
Toe, ? sterk boom val, ? mooi pad kraak
Die lewe word alleen en wreed
Ek versink in pyn, jy struikel in twyfel
Net klein vreugdes demp die leed
Liefmens, ek voel my in jou oë
Maar Iemand het ons raakgesien
Besluit dis nou Die Uur
Na twee-en-twintig jaar bel jy my lewe binne
Hy het jou na my gestuur
Liefmens, jy voel my in jou oë
Jy’t my heelgemaak, als omgekeer
Ons het saam ? nuwe doel
Om lief te hê, onbevange onsself te gee
in ? hemelse arendsdans vry te voel
Liefmens, jy voel jou in my oë
Liefmens, ons weet ons liefde is van Bo
Liefmens
Teken in op LitNet se gratis weeklikse nuusbrief. | Sign up for LitNet's free weekly newsletter.